Кимлар ўйнаяпти? Ўзбекистон футболчиларига эътибор беринг!
Ўзбекистон миллий терма жамоаси ўз тарихида илк бор футбол бўйича жаҳон чемпионатига йўлланма олгани мутахассислар томонидан ҳам кенг муҳокама қилинмоқда.
Sports.uz портали футбол оламининг таниқли инсонлари терма жамоамиз ҳақида билдирган фикр-мулоҳазаларини ўзбекистонлик мухлислар эътиборига ҳавола этади.
Юрий Сёмин, “Локомотив Москва” ва “Динамо Киев” жамоалари собиқ бош мураббийи:
Ўзбекистонда футбод ривожланяпти. Уларда қандай ўйинчилар борлигига эътибор беринг. Биринчи қалдирғочлардан бири Аббосбек Файзуллаев бизда ўйнаяпти.
Иккинчиси Абдуқодир Ҳусанов, айни пайтда “Манчестер Сити” аъзоси ҳисобланади. Буларнинг бари Ўзбекистонда ўсмирлар ва ёшлар жамоаларида, футбол федерациясида жуда яхши даражада иш олиб борилаётганидан далолат беради.
Таъкидлаш жоизки, Ўзбекистон ўтган йили Олимпия ўйинларида иштирок этди, энди жаҳон чемпионатига чиқди. Бу жуда катта натижа!
Улар мундиалда қандай ўйнашини вақт кўрсатади, албатта. Бироқ Ўзбекистондан доимий тарзда кучли футболчилар етиб чиқмоқда. Ўша Элдор Шомуродовнинг ўзи ҳамон Италияда тўп тепяпти. Уларни жаҳон чемпионатига йўлланма олганлари муносабати билан табриклашимиз керак.
Жаъфар Ирисметов, Ўзбекистон миллий терма жамоаси собиқ ҳужумчиси:
Бу бутун ўзбек халқининг ғалабаси. Халқимиз футболчиларимиз муваффақиятидан мамнун. Биз неча йиллар давомида жаҳон чемпионатига чиқишни орзу қилиб келдик. Бу буюк ғалаба. Ҳиссиётларни жиловлаб бўлмайди.
Жамоа яхши ўйнади, натижа учун ҳаракат қилди. Йигитлар бир очко ҳам жаҳон чемпионатига олиб чиқишини жуда яхши англаб турганди, шу боис таваккалга йўл қўйишмади. Жуда зўр ўйнашди. Бош мураббий Тимур Копадзени ҳам табриклайман, у натижа кўрсата олди.
Жаҳон чемпионати ҳақида гапиришга ҳали бироз эрта. Лекин биз муносиб футбол кўрсатамиз, деб ўйлайман. Чунки ҳозирги терма жамоада жаҳон грандларидан қолишмайдиган футболчилар жамланган.
Эслатиб ўтамиз, 2026 йилги жаҳон чемпионатининг Осиё минтақаси саралаш турнирининг учинчи босқичи ҳал қилувчи аҳамиятга эга. Учтадан гуруҳга жами олтита йўлланма берилган. Ҳар бир квартетдан дастлабки икки ўринни эгаллаган терма жамоалар тўғридан тўғри мундиалда қатнашиш ҳуқуқини қўлга киритади.
“А” гуруҳида бу вазифани Эрон ва Ўзбекистон миллий терма жамоалари уддалади. Гуруҳда учинчи ва тўртинчи ўринни эгаллаган терма жамоалар жаҳон чемпионатининг қолган йўлланмалари учун курашни давом эттиради.
Ўзбекистон миллий терма жамоаси гуруҳдаги охирги учрашувини 10 июнь куни Тошкентда Қатар терма жамоаси футболчиларига қарши ўтказади.
2026 йилги жаҳон чемпионати бирданига уч мамлакат – АҚШ, Канада ва Мексика яшил майдонларида ўтказалади.
Россия жаҳон чемпионатига чиққан Ўзбекистонга “вызов” ташлади!
Шомуродов ва Файзуллаевга Европадан хабар келди!
“Манчестер Сити” Ҳусановнинг мундиалга чиққанига қандай муносабат билдирди?
Комментарии