Беларусь чемпионатида ажойиб ўйин намойиш этаётган Бобур Абдухолиқов кўплаб хорижлик мутахассислар ва мухлислар назарига тушди. “Энергетик-БГУ” шарафини ҳимоя қилаётган легионеримиз Буларусь олий лигасида олтита учрашувда саккизта гол ва учта ассист билан чемпионатнинг энг яхши тўпурари ва энг фойдали ўйинчиси бўлиб турибди.

Легионер сифатида ёрқин ўйин кўрсатаётган Бобур Абдухолиқов билан яқиндан танишиш мақсадида Беларусь футболини ёритишга ихтисослашган www.football.by сайти эксклюзив интервью ташкиллаштирди.

Биринчи қисм...

Иккинчи қисм...

- Яхшибоев Чемпионлар лигасида “Реал”га гол урди. “Шериф” Еврокубоклардан чиқиб кетганидан кейин у Молдова чемпионатида деярли ўйнамади. Нега?

- Аниғини билмайман. Ўйлашимча,ҳозир у норози. Чунки унинг савияси Молдова чемпионатидан анча юқори. Агар “Легия”да бир йил тўлиқ ўйнаганида Польшадаги фаолияти енгилроқ ўтарди.

- Шаҳбоз Умаров ҳақида нима дейсан, у ҳозир БАТЭда ўйнамаяпти?

- Бу мен бир йил олдин Украинада дуч келган вазият билан бир хил ҳолат. Сабр билан ўз вақти келишини кутиш керак.

- Сенга хорижий давлатда нималар етишмаяпти?

- Оилам ва яқинларимдан узоқда эканим билинади. Уларни соғиняпман. Қишда уйимда икки ҳафтагина бўлдим. “Энергетик”да таътил жуда кам.

- Бўш қайтингни қандай ўтказасан?

- Ўйин ўйнайман, кинони кам кўраман. Ундан кўра, менинг амплуамдаги футбол юлдузлари – Бензама, Левандовски ва Холанднинг ўйинини томоша қилганим маъқул.

- Чемпионлар лигасини ким ётади?

- “Ливерпуль” ютса керак. Улар ҳозир дунёда энг зўри. “Ливерпуль”нинг ўйини болалигимдан мухлислик қиладиган “Челси”никидан кўра кўпроқ ёқяпти. “Челси”да Лэмпард ва Дрогба ўйнаган даврдан мухлислик қиламан.

- “Энергетик”нинг тонгги машғулотларига уйғониш қийинми?

- Энг муҳими, кўникиш. Эрта туриш яхши одат. Чунки эрта, соат кечки 10 да ётишга тўғри келади. Демак, уйқуга тўйиш, ўзини тиклаб олиш мумкин.

- “Энергетик” табиий чимда ўйнай бошлади. Сунъий қопламада ўйнаш қандай бўлди?

- Нормал ҳолат. Қаршидаги академияда сунъий қопламали майдонимиз бўларди. Мен бунга кўникканман. Лекин сунъий қопламада машғулот ўтаб, табиий чимда футбол ўйнасанг, оёқ оғрийди.

- Чемпионат бошланмай туриб, нечта гол уришни режалаштиргандинг?

- Камида ўн бешта. Яхшиси йигирматта. Ҳар қандай ҳужумчи каби мен учун ҳам бу яхши кўрсаткич.

- Режа ўзгармадими?

- Доим юқори мақсадларни қўйиш керак. Биринчи давра якунига тўққизта тур қолди. Шу вақт оралиғида 12 та тўп киритмоқчиман. Ўхшаса, ўн бештага етказиб қўяман.

- Агар ёзда бошқа жамоалар, масалан “Шахтёр”дан таклиф бўлса, нима қиласан?

- Агентларим билан жидди ўйлаб кўраман. Украинада бўлгани каби фаолиятимда иккинчи марта хато қилишни истамайман. Энди уни тўғрилаш қийин бўлади. Апрелда 25 га кирдим ва доимий ўйин амалиётига эга бўлишим мен учун муҳим.

- Анатолий Юревич нима деяпти?

- Бўшашма, ишлашда давом эт, сенинг ишинг гол уриш, деяпти.

- Албатта, у сенинг юлдузлик касалига чалинишингни истамайди...

- Мен унақа эмасман. Қолаверса, ҳар бир ўйиним ҳам зўр чиқаётгани йўқ. Биттаси ўхшаса, иккинчиси ўхшамаяпти. “Слуцк” ва “Ислочь” билан беллашувда вазиятлар бўлди, гол уролмадим. Ҳужумчиларга тўпларни етказиб берадиган плеймейкерлар керак. Тўп менга етиб келса, вазиятлар ҳар доим бўлади. Уларни аниқ дарвозага жойлаш қолади холос. Кўп вазият – кўп гол.

Легионеримиз: Мураббий мен билан гаплашмай қўйди!

Легионеримиз: Луис Суарес ва Эдинсон Каванига қарши ўйнаганмиз!

“Рома” ҳам, Моуриньо ҳам ёқмади!

Икки дақиқа ўйнаган Шомуродов зўр баҳо олди!

Россияликлар Шомуродов дуэлини кутяпти!

Шомуродов, энди сенга янада қийин бўлади!

“Рома” ҳужумчиси: Кетишим керак бўлган вақт келганини билдим!

Гол уриш мана бунақа бўлади! Ўзбек легионери биринчи хет—трикни қайд этди!

Шомуродовни ҳам ўйнатиб кўрдик, бироқ... Моуриньо легионеримиз ҳақида ҳам гапирди