Мавсумнинг сўнгги палласида “Рома”ни бир неча ҳал қилувчи учрашувлар кутиб турибди. Хусусан, Конференциялар лигасининг финали Жозе Моуриньо шогирдлари учун йилнинг энг муҳим беллашуви ҳисобланади.

“Рома” 31 йиллик танаффусдан сўнг илк маротаба Еврокубоклар финалида ўйнайди. 25 май куни Албаниянинг Тирана шаҳрида римликлар Конференциялар лигаси бош соврини учун Нидерландиянинг “Фейеноорд” жамоаси билан куч синашади.

Corriere dello Sport нашрининг маълум қилишича, Рим клуби мураббийлар штаби ўзлари учун хушхабар эшитди. Жамоанинг энг фойдали ўйинчиларидан ҳисобланган Генрих Мхитарян халқаро турнир финалигача сафга қайтади.

Арманистонлик футболчи яқинда жароҳат олиб, ярим финалнинг жавоб учрашувини ҳам ўтказиб юборишга мажбур бўлганди. Шифокорлар саъй-ҳаракати билан тажрибали плеймейкер жароҳатидан тез қутилмоқда ва бир неча кундан кейин машғулотларга киришади.

Жозе Моуриньо бўлажак финалда Генрих Мхитарянга катта ишонч билдирмоқда. Бу ўйинчи майдонда бўлса, португалиялик мутахассис бир неча ўйин схемаларидан фойдаланиш имконига эга бўлади.

33 ёшли универсал футболчининг “бўрилар” билан амалдаги шартномаси мавсум охирида якунланади. Жозе Моуриньо клуб раҳбариятидан тажрибали шогирдини жамоада олиб қолишни талаб қилмоқда.

Музокаралар давом этаётганига қарамай, томонлар келишув муддати ва маош миқдори бўйича бир тўхтамга кела олмаяпти.

Генрих бу мавсум барча турнирларда 43 марта майдонга тушиб, бешга гол ва тўққизта ассист муаллифи бўлди.

“Рома” мухлисларни хурсанд қилди

“Рома” клуби раҳбарияти ашаддий мухлисларига ажойиб совға тайёрлади.

Клуб Конференциялар лигаси доирасида Норвегияда “Будё-Глимт” жамоаси билан бўлган ва мезбонларнинг 6:1 ҳисобидаги ғалабаси билан якунланган учрашувда “бўрилар”ни қўллаб-қувватлаш учун совуқ ўлкага борган мухлисларга 25 май куни Албаниянинг Тирана шаҳрида ўтказиладиган финалга бепул чипта беришга қарор қилди.

“Рома” мутасаддилари шу орқали клуб тарихидаги энг нохуш ҳолат учун мухлисларидан узр сўрамоқчи бўляпти. Ўша тарихий учрашувни томоша қилиш учун 166 нафар римлик футбол ишқибозлари Норвегияга борган эди.

“Бўрилар” турнир плей-оффида “Будё-Глимт”ни мусобақадан чиқариб юбориб, қақшатқич мағлубият аламин олган бўлса-да, мухлисларни кўнглини овлаш учун уларни финалга таклиф қилди.

Конференциялар лигаси финалида Жозе Моуриньо шогирдлари Нидерландиянинг “Фейеноорд” жамоасига қарши саф тортади. Учрашув ғолиби бош совриндан ташқари келаси мавсум Европа Лигасида иштирок этиш ҳуқуқини ҳам қўлга киритади.

Англиялик “бўрилар” римлик “бўрилар”га халақит қиляпти

“Рома” бош мураббийи Жозе Моуриньо ёзда “Валенсия” ҳужумкор футболчиси Гонсалу Гедешни Римга кўчириб келмоқчи. Клуб спорт директори Тьягу Пинто бу масала бўйича “Валенсия”га мурожаат ҳам қилган.

Сўнгги маълумотларга қараганда, португалиялик футболчига “Вулверхэмптон” ҳам жиддий қизиқиш билдиряпти. Бу ҳолат римликларнинг режасига тўсқинлик қилмоқда.

“Рома” раҳбарияти Гедешни қўлдан чиқармаслик учун биринчи уринишда таклиф қилинган 30 миллион евро миқдордаги бадал суммасини кўтаришга мажбур бўлмоқда. Манбаларнинг таъкидлашича, А Серия клуби таклифни 10 миллион еврога кўтарган.

Испан клуби билан бир йиллик келишуви қолган Гедеш бу мавсум барча турнирларда 39 та учрашув ўтказиб,  13 та гол ва  олтита ассист муаллифи бўлди.

“Рома”нинг пўстагини қоқамиз!

Легионеримиз: Яхшибоевнинг савияси Молдова чемпионатидан юқори!

Легионеримиз: Мураббий мен билан гаплашмай қўйди!

Легионеримиз: Луис Суарес ва Эдинсон Каванига қарши ўйнаганмиз!

“Рома” ҳам, Моуриньо ҳам ёқмади!

Икки дақиқа ўйнаган Шомуродов зўр баҳо олди!

Россияликлар Шомуродов дуэлини кутяпти!

Шомуродов, энди сенга янада қийин бўлади!

“Рома” ҳужумчиси: Кетишим керак бўлган вақт келганини билдим!

Гол уриш мана бунақа бўлади! Ўзбек легионери биринчи хет—трикни қайд этди!

Шомуродовни ҳам ўйнатиб кўрдик, бироқ... Моуриньо легионеримиз ҳақида ҳам гапирди