Россия футболининг энг ёрқин юлдузлари энди Файзуллаевга мухлислик қиладиган бўлди

Россиядаги футбол мутахассислари, мухлислари ва журналистлар Премьер-лиганинг саккизинчи туридан ўрин олган ЦСКА ва “Крилья Советов” ўйинидаги вазиятни таҳлил қилмоқда.

Москвалик армиячилар биринчи бўлимда рақибга ҳеч қандай қаршилик кўрсата олмади. Ўйиннинг иккинчи бўлимида мезбонлар ўйинчиси Виллиан Роша майдондан четлатилди. Бироқ кам бўлиб қолганига қарамай, ЦСКА ўйинда устунликни ўз томонига оғирди. Бу ишни танаффусдан кейин майдонга тушган янги ўйинчи – 19 ёшли Аббосбек Файзуллаев уддалади.

Россия футболининг яқин ўтмишдаги юлдузлари – саккиз карра чемпиони Андрей Тихонов ҳамда УЕФА кубоги ва Суперкубоги соҳиби Андрей Аршавин  ўзбекистонлик легионер жамоаси ўйинида кескин бурилиш ясай олганини эътироф этди.

Андрей Тихонов:

— Ҳисоб адолатли бўлди, деб ўйлайман.  Мен фақат бир нарсани тушунмадим. Нега “Крилья Советов” кўп бўлиб ўйнаётган ЦСКА устунлик қила бошлади?

Таркиб тенг бўлган пайтда ЦСКА 20-25 дақиқа давомида ҳеч нарса қила олгани йўқ.

ЦСКА ўйинчи алмаштириш орқали ўйин тизгинини ўзига оғдирди. Москваликлар ўн киши бўлиб, рақибга прессинг уюштирди.

Нега ўн бир киши бўлганида улар бундай ўйнамади?

Аббосбек Файзуллаев майдонга тушиб, ўйинга кучли таъсир ўтказди. У барчамизни ўзига мухлис қилиб қўйди. Энди ЦСКА мухлислари бу трансфер тўғри танлов эканини тан олиши мумкин.

Андрей Аршавин:

—Ўйинда “Крилья Советов”га нима бўлганини тушунтириб бериш жуда қийин.  Балки, бунга ўйинчиларнинг тажрибасизлиги сабаб бўлгандир. Бироқ таркибда ҳаммаси ҳам ёш ўйинчи эмас эди. Улар ҳимояга ётиб ҳам олгани йўқ.

Бунга ЦСКАнинг захирадан майдонга тушган футболчилари ўйинни ўзгартириб юборганини сабаб қилиб кўрсатиш мумкин. Булар Аббосбек Файзуллаев ва Фёдор Чалов. Лекин ЦСКА ўз ўйинчиси четлатилганидан кейин ўйинда устунликни ўзига оғдирганини тушунтириб беришнинг имкони йўқ.

Ўн киши “Крилья” футболчиларини майдоннинг иккинчи ярмига қамаб қўйди. Таркиблар тенглигида бундан эмасди. Самараликлар тўп йўқотмаётган эди. ЦСКА ўйинчиси майдондан четлатилиши билан рақиб тўп йўқота бошлади.  ЦСКАнинг даражаси рақибдан юқорироқ экан.

Таъкидлаш жоизки, Аббосбек Файзуллаев “Пахтакор” тарбияланувчиси ҳисобланади. ЦСКА клуби 19 ёшли футболчини август ойида трансфер қилди.

Аббосбек Файзуллаев 20 ёшгача бўлган футболчилар ўртасидаги Осиё чемпионати ғолиби ва турнирнинг энг яхши футболчиси соврини соҳиби бўлди. Шунингдек, Аргентинада ўтказилган ёшлар ўртасидаги жаҳон чемпионатида ҳам ўз маҳоратини намойиш этди.

Файзуллаев нега табрикни қабул қилмади?

ЦСКА бош мураббийи Аббосбек Файзуллаев ҳақида нималар деди?

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Тезкор: Бугун “Ланс” Ҳусановни ўйнатишга мажбур. Сабаби...

Мбаппени олишни ҳеч ким таклиф қилмагани учун Шомуродов олинди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Италиялик мухлислар Шомуродовни муҳокама қилмоқда: яхши гап ҳам, танқид ҳам етарли!

Фанатлар Шомуродовдан нимани талаб қиляпти?