Руни дунёнинг энг кучли ҳужум чизиғига эга клубни айтди. У "Реал" ҳам, "Барселона" ҳам эмас

Англиялик машҳур ҳужумчи Уэйн Руни "Ливерпуль"ни дунёнинг энг кучли ҳужум чизиғига эга клуб, деб айтди.

“Аксарият голлар ҳужумкор футболчиларнинг ўзаро таъсири натижасида ҳосил бўлади. Бунга “Ливерпуль”нинг ҳужум учлиги яққол мисол қилиш мумкин. Салоҳ ва Мане рақиб ҳимоячиларини ўз дарвозалари олдидан кетмасликка мажбур қила олади. Шунинг ҳисобига Фирмино тўпни қабул қилиб олиш учун майдон марказига яқинроқ келиш имкониятига эга бўлади. Ҳимоячилар у билан овора бўлиб турган бир пайтда Салоҳ ва Мане бўш зоналарга қараб катта тезликда югуришади.

Тотти ўйнаган пайтларда “Рома” ҳам худди шу тактикадан фойдаланарди. Уларда 2 та тезкор қанот футболчилари бўларди.

Буни тан олиш мен учун қийин, лекин “Ливерпуль” ҳозирда дунёнинг энг кучли ҳужум учлигига эга жамоа”, - дейди Руни.