Супергол уриб, сенсация кўтарган Шомуродовнинг ўйини қандай баҳоланди?
Даниэле Де Росси бошчилигидаги “Рома” янги мавсумда юқори ўринлар ва Европа Чемпионлар лигаси йўлланмасини қўлга киритиши кутилмоқда. Италиялик мутахассис ўзидан олдин жамоани уч йилга яқин бошқарган Жозе Моуриньо уддалай олмаган ишни амалга ошириши керак.
Ўтган мавсум ярмида жамоани қабул қилиб олган “Рома” афсонаси ўйинда ижобий ўзгаришлар қилгани рост. Бироқ янги мавсумни пойтахтлик “бўрилар” учун муваффақиятли бошланди, деб бўлмайди.
Биринчи учрашувда “Кальяри” майдонидан голсиз дуранг билан қайтган “Рома” ўз мухлислари кўз ўнгидаги иккинчи баҳсда “Эмполи”дан иккита тўп ўтказиб юборди.
Артём Довбик, Пауло Дибала ва Матиас Суледан таркиб топган ҳужум учлиги иш бермагач, Далиэле де Росси 77-дақиқада ўйинга Элдор Шомуродовни қўшди. Сулени ўрнини эгаллаган легионеримиз “Рома”да қолишга ва унгу имкон беришларига лойиқ эканини кўрсатди.
Аввалига 80-дақиқада супергол уриб ҳисобдаги фарқни қисқартирган Шомуродов жамоасига дуранг тақдим этишга жуда яқин келганди. Бироқ озгина вақт етишмади.
Италия футболини ёритиб келаётган tuttomercatoweb.com сайти экспертлари учрашувдан кейин “Рома” футболчиларининг ҳаракатларини қуйидагича баҳолади.
Миле Свилар 6,5:
90 дақиқада давомида бу дарвозабон бир неча сэйвларни амалга ошириб, рақибнинг хавфли зарбаларини бартараф этди. Лекин унинг ҳаракатлари ижобий натижани қўлга киритишга етарли бўлмади.
Зеки Челик 5,5:
Турк футболчининг ўзини ҳафсалани пир қилди. Биринчи бўлимда рақиб ўйинчиси Жузеппе Пеццеллага қаршилик кўрсата олмагач, танаффусда ўрнини Николо Залевскига бўшатиб берди.
Николо Залевски 6:
Бу футболчи жамоадошларига нисбатан кўпроқ ташаббус кўрсатди, лекин унинг ҳаракатларига ўзга бўлган ишонч ва қатъият етишмади.
Жанлука Манчини 6,5:
Ҳимоядаги вазифаларини бажаришдан ташқари, ҳужумчиларга ёрдам бериш учун олдинга ўтиб ўйнашига тўғри келди.
Эван Ндика 6:
Жамоадошларига нисбатан самарасиз ўйнади.
Анхелино 5,5:
Чап қанотни кутилган даражада ҳаракатга келтира олмади. Бу футболчи баҳс давомида жамоа ўйинини кучайтира олгани йўқ.
Брайан Кристанте 6:
Учрашувни кутилган даражада ўтказмаган бўлса-да, паст баҳога ҳам лойиқ эмас.
Томмазо Бальданци 6,5:
63-дақиқада Кристанте ўрнига майдонга тушган футболчи ўйинга яхши қўшилди ва Элдор Шомуродовга голли пас узатди.
Леандро Паредес 4,5:
Ўз даражасида жуда паст ўйнади. Пенальтига сабабчи бўлиб қолди. Ўрнини 63-дақиқала Энцо Ле Фега бўшатиб берди.
Энцо Ле Фе 6:
Ҳужумни кучайтириш учун жуда қизиқарли ечимлар таклиф қила олди.
Лоренцо Пеллегрини 6:
Ўйинни катта иштиёқ билан бошлаган футболчи кейинчалик сўниб қолди.
Пауло Дибала 6:
Жамоанинг энг ишонган ўйинчиси вазиятни ўнглаш учун бор кучи билан ҳаракат қилди. Бироқ бу баҳсда омади чопмади.
Матиас Суле 5,5:
Ҳамюрти Дибалага нисбатан бўшроқ ўйнади. У ҳали Даниэле Де Росси услубига мослашиб олиши керак. 77-дақиқада ўрнини Элдор Шомуродовга бўшатиб берди.
ЭЛДОР ШОМУРОДОВ 7:
Ажойиб ўйин, супергол ва жамоани мағлубиятдан қутқариш умидини берди. Ким билади, балки унга “Рома”да қолиши ва асосий таркибга кириши учун яна имконият бериш керакдир?!
Артём Довбик 5:
Испанияда ҳаммани ҳайратган солган ўйинчи ўз даражасидан анча узоқда экан. “Эмполи” ҳимоячиларига қарши ҳеч нарса қила олмади.
Даниэле Де Росси 5:
Мавсумни жуда оғир бошлади. Биринчи бўлимда шогирдлари ёмон ўйнади. Ўйинчи алмаштиришда кеч қолди. Ўз устида ҳали кўп ишлаши керак.
“Рома” футболчиларини учинчи турда жуда мураккаб ўйин кутмоқда. “Бўрилар” кейинги учрашувини 1 сентябрь куни Туринда “Ювентус”га қарши ўтказади.
Фикрлар