Тезкор! Шомуродов трансфери 48 соат ичида эълон қилиниши кутилмоқда!

Италия матбуоти “Рома” ҳужумчиси Элдор Шомуродов тез орада “Болонья”га кўчиб ўтиши мумкинлиги ҳақида бонг урмоқда.

Хусусан, Италия футболини ёритишга ихтисослашган https://footballnews24.it ҳамда https://www.calciomercato.com сайтлари “Болонья” раҳбарияти Рим клуби билан ўзбек футболчисининг трансфери бўйича бир тўхтамга келиш арафасида турганини ёзди.

Италиялик журналист Франческо Абатенинг маълум қилишича, “Болонья” келаси мавсумда асосий ҳужумчи вазифасини Элдор Шомуродовга топширишга қарор қилган ва легионеримизни олиш учун охиригача курашяпти.

Манбаларнинг таъкидлашича, “Болонья” мутасаддилари римликлар спорт директорини Шомуродовни кейинчалик сотиб олиш ҳуқуқи билан бир мавсумга ижарага жўнатишга кўндирган. Аслида пойтахт клуби раҳбарияти ўтган ёзда 18 миллион евро тўланган Элдорнинг трансферидан турли бонуслар кўринишида кўпоқ маблағ ундириб, нархдаги тафовутни камайтиришга уринаётган эди.

Томонлар келишув арафасида турганини инобатга олиб, Италия матбуоти Элдор Шомуродовнинг трансфери 48 соат ичида эълон қилинади, деган хабарларни тарқатмоқда.

Бундан ташқари, Шомуродов атрофидаги вазиятни кузатиб бораётган экспертлар “Болонья” легионер ҳужумчи учун курашда “Торино”ни ортда қолдирганига эътибор қаратди. Турин клуби “Рома” Элдорнинг кетишини эълон қилганидан кейин легиоеримизга оғиз солган биринчи жамоа бўлганди.

“Болонья” бош мураббийи Синиша Михайлов янги мавсумни Шомуродов билан бошлашни мақсад қилгани айтилмоқда. Аслида “Болонья” бош мураббийи ҳужум чизиғига италиялик форвард Лоренцо Луккани таклиф қилмоқчи бўлган. Бироқ, римликлар Элдорни трансферга қўйганидан хабар топиши билан фикрини ўзгартириб,  тажрибали ҳужумчига эътибор қаратди.

Манбаларнинг ёзишича, “Болонья”  ўзбек футболчиси билан янги ҳафтанинг илк кунларида шартнома имзолаши кутилмоқда.

Демак, Элдор Шомуродов фаолиятида ўзгариш бўлиши кутилмоқда.

Уришиб қолган бош мураббий ва директор Шомуродов туфайли ярашиб олди!

Бу жамоа Шомуродов трансферини нега сир тутяпти?

“Сампдория” Шомуродов бўйича баёнот берди!

Премьер-лига клуби ўзбек футболчиси ёрдамида чемпион бўлмоқчи!

Легионеримизнинг Европа Чемпионлар лигасида гол урган ўйини энг юқори баҳоланди!

Тўпурар легионеримизда яхши янгилик бўлади!