Тўпурар легионеримиз энг зўр футболчилар қаторидан жой олди
Sports.kz Қозоғистон премьер-лигасининг 10-тур якунларига кўра, рамзий терма жамоа тузиб чиқди.
Мазкур чемпионатда “Актобе” шарафини ҳимоя қилаётган Ўзбекистон терма жамоаси ҳужумчиси Игорь Сергеев “Жеттису” майдонида ўтказилган учрашувда хет-трик қайд этиб, битта голли пас ҳам узатди. Эътиборлиси, ҳамюртимиз ҳар учала голини боши билан дарвоза тўрига жойлади.
Учрашув “Актобе”нинг 5:1 ҳисобидаги ғалабаси билан якунланди.
Шунингдек, Игорь Сергеев чемпионатдаги голлари сонини олтитага етказиб, тўпурарлар пойгасида бразилиялик Жоао Пауло билан бирга пешқадамлик қилмоқда. Пауло олтита голдан иккитасини пенальтидан киритган.
Игорь Сергеев жамоаси навбатдаги тур учрашувини 14 май куни “Кайсар” футболчиларига қарши ўтказади.
Фикрлар