ЦСКА Файзуллаев учун “даҳшатли” сумма сўрайди!

Ҳозирча Европанинг кучли бешлик чемпионатларида Ўзбекистон миллий терма жамоасининг икки вакили тўп тепмоқда. Элдор Шомуродов 2020 йилнинг октябридан бери Италия А Сериясида ўйнаётган бўлса, ўтган ёз Абдуқодир Ҳусанов Франция чемпионатида ўйнаган биринчи ўзбек футболчисига айланди.

Бир неча кун олдин Англия Премьер-лигасининг “Брентфорд” клуби “Пахтакор”дан Муҳаммадали Ўринбоевни ижарага олгани ҳақида расмий маълумотлар тарқатилди. Истеъдодли футболчимиз бу клубнинг асосий таркибида эмас, балки ёшлар жамоасида ўйнайди.

Ўзбек футболчилари орасида Европанинг кучли лигаларига ўтиш имконияти энг юқори баҳоланаётган ўйинчи Аббсобек Файзуллаев ҳисобланади. ЦСКА сафида мавсумнинг биринчи қисмини юқори савияда ўтказган 20 ёшли легионеримиз Қатардаги Осиё кубогида ҳам ёрқин ўйин намойиш қилди.

Айни пайтда ҳужумкор футболчининг Европа лигаларига ўтиш имконияти кенг муҳокама қилинмоқда.

Москванинг ЦСКА клуби собиқ футболчиси Владимир Владимир Пономарёв Аббосбек Файзуллаев ҳақида ўз фикр-мулоҳазаларини билдирди.

- ЦСКАнинг Аббосбек Файзуллаев билан узоқ муддатли шартномаси бор. Шунинг учун бу ўйинчини олмоқчи бўлган клуб “армиячилар”га жуда кўп миқдорда пул тўлаши керак.

Агар яхши таклиф бўлса, трансферни амалга ошириш мумкин, бироқ ЦСКА Файзуллаев учун “даҳшатли” бадал пули талаб қилади.

Умуман олганда, Аббос яхши йигит, тўпни ушлаб туришни, зўр пас беришни, ҳужум ташкил қилишни маҳорат билан уддалаяпти.

Бизнинг футболда унга ўхшаган ўйинчилар йўқлиги учун ҳам Файзуллаев Премьер-лигада жуда тез кўзга ташланди. Бош билан ўйнамайди, лекин ўйлайди, тўп билан яхши югуради. Унинг дриблинги яхши, бу табиатан берилган.

Бизда бунақа ўйинчи йўқ, ҳамма ўзиникига пас бериш орқали ўйнайди, кўпинча орқага тўп узатилади. Ёпиқ паслар умуман йўқ, ҳеч қайсиниси аниқ пас билан ҳужумчини олдинги чизиққа чиқара олмайди.

Шундай экан, Аббосбек Файзуллаев ҳозир энг зўри бўлиб турибди. Мавсумни яхши бошлади, якунланган йилни яхши ўтказди.

Энди буёғига қандай ўйнашини кўрамиз. Чунки ҳозир ҳамма уни нималарга қодирлигини билиб қолди, рақиблар унга қарши алоҳида эътибор билан ўйнашади, шерикларига аниқ пас беришига йўл қўймасликка ҳаракат қилишади. Бироқ, Аббосбек Файзуллаев майдонни яхши кўра олишини ҳам таъкидлаш лозим, - деди Владимир Пономарёв.

Эслатиб ўтамиз, Россия Премьер-лигасига кўчиб ўтганидан кейин Аббосбек Файзуллаевнинг трансфер суммаси бир неча баравар ошиб, ҳозир 4 миллион еврони ташкил қилмоқда. Экспертларнинг таъкидлашича, Осиё кубогидаги муваффақиятли ўйини янги рейтингга ижобий таъсир кўрсатади ва ҳужумкор футболчининг трансфер суммаси яна кўтарилиши кутиляпти.

Португалиялик машҳур агент Файзуллаевнинг Европада ўйнаш имкониятини қандай баҳолади?

Хорижлик эксперт испанларга Файзуллаев ҳақида маълумот берди

Раньери Шомуродов қачон майдонга қайтишини айтди

Терма жамоамиз етакчисини Россиянинг бир неча клубларига таклиф қилишди...