Fayzullaevning Evropaga yo‘li ochildi...

19 fevral, 08:25
2
Futbol

Ayni paytda Evropaning kuchli beshlik chempionatlarida Eldor Shomurodov va Abduqodir Husanov bor. Italiya va Frantsiyadagi legionerlarimiz qatoriga Angliyaning “Brentford” klubi yoshlar jamoasiga o‘tgan Muhammadali O‘rinboevni ham qo‘shish mumkin.

Biroq Evropada porlay olishi kutilayotgan asosiy nomzod Abbosbek Fayzullaev hisoblanashi hech kimga sir emas.

Fayzullaev ayni paytda TsSKA tarkibida mavsumning ikkinchi qismiga tayyorgarlik ko‘rmoqda. Tez orada qayta tiklanadigan Rossiya Premer-ligasi doirasidagi uchrashuvlar legionerimiz uchun muhim ahamiyat kasb etadi. Chunki 20 yoshli hujumkor futbolchimizning kelajagi ko‘p jihatdan yuqori darajada boshlangan mavsumni qanday davom ettirishiga bog‘liq.

Rossiya futbol jamoatchiligi Abbosbek Fayzullaevning Evropaning kuchli ligalariga ko‘chib o‘tish imkoniyatini muhokama qilishda davom etmoqda.

Sports.uz portali o‘zbekistonlik futbol ishqibozlari e’tiboriga Abbosbek Fayzullaev haqidagi mulohazalarni havola etadi.

Evgeniy Aldonin, TsSKA fubolchisi UEFA kubogi sohibi:

Fayzullaev juda sifatli futbolchi. U TsSKAga juda mos tushdi, jamoaning etakchilaridan biriga aylandi.

Abbosbek Osiyo kubogidagi muvaffaqiyatli ishtirokidan keyin Evropa klublariga o‘tish masalasida bosh qotirishi mumkin.

Muhimi, bu futbolchi yuqori saviyada barqaror o‘ynashi kerak. Agar Fayzullaev hozirgidek o‘ziga bo‘lgan talabni yuqori darajada ushlab tursa, TsSKAning boshlang‘ich tarkibida ko‘proq maydonga tushadi. Chempionatning birinchi qismida Abbosbek Rossiya Premer-ligasining eng zo‘r o‘yinchilaridan bo‘ldi.

Denis Popov, TsSKAning sobiq hujumchisi:

Fayzullaev muayyan sifatlarga ega bo‘lgan salohiyatli futbolchi. TsSKA uni ushlab qolishi kerakmi? Birinchi navbatda, taklif qaysi klubdan bo‘lishiga, o‘z oldiga qanday maqsadlarni qo‘yganiga qarash kerak. O‘zaro til topisha olish ham muhim. Agar Evropadan munosib taklif bo‘lsa, Fayzullaevning o‘zi ham o‘tishni istashi tabiiy. Eng muhimi, bu transfer har ikki tomon uchun ham manfaatli bo‘lishi lozim.

Yuris Layzans, TsSKAning sobiq futbolchisi:

Hozircha, Abbosbek Fayzullaev TsSKAda o‘ynashni davom ettirishi kerak. U endi yarim yil o‘ynadi. Jamoaning natijalarini juda yaxshi, deb bo‘lmaydi, arvaror ko‘rsatkichlarga erishish muhim hisoblanadi.

Biroq biror bir xorij klubi Fayzullaevning TsSKAda darrov ochilib ketganini inobatga olib, hozirning o‘zida safiga qo‘shib olishi va yanada kuchayishiga ishonch bildirishi ham mumkin. Balki kimlardir Abbosning yanada yangi qirralarini ochishini kutayotgandir.

63WrFGxK9OOvMbX

Gennadiy Orlov, sharhlovchi:

TsSKAga zaxira kuchlari etishmayotgani ayni haqiqat. Shunga qaramay, Vladimir Fedotov nimalargadir umid qilyapti, u juda yaxshi murabbiy va kuchli taktik. Bosh murabbiy qo‘l ostida ajoyib futbolchi Abbosbek Fayzullaev paydo bo‘lgan.Lekin, tushunimcha, Abbosga boshqa jamoalar ko‘z tikyapti. Menimcha, yozda Fayzullaevni “armiyachilar” safidan olib ketishadi.