Shomurodovga Ispaniyadan zo‘r taklif chiqdi. Eldor “Roma”dan ketadimi?
Yozgi transferlar vaqtida “Roma” jamoasi safiga qo‘shilgan Eldor Shomurodov kuchli klublarda ham o‘ynay olish qobiliyatini namoyish etganidan Evropaning boshqa jamoalari e’tiboriga tushgani oydinlashmoqda.
Evropa futbolini yoritishga ixtisoslashgan www.euro-football.ru saytining xabar berishicha, o‘zbek legioneriga Ispaniya klublaridan qiziqish bo‘lmoqda.
Xususan, Eldor Shomurodovni Ispaniya chempionati grandlaridan hisoblangan “Sevilya” o‘z safida ko‘rishni istayapti. Xorij matbuotining yozishicha, andalusiyaliklar yozgi transferlar vaqtida 26 yoshli futbolchimiz transferini amalga oshirishni rejalashtirayotgan ekan.
Yana bir nufzli sayt www.soccer.ru ma’lumotiga ko‘ra, “Sevilya” klubi rahbariyatiga o‘z maqsadini amalga oshirish oson bo‘lmaydi. Chunki bu ko‘p jihatdan Joze Mourinoning qaroriga bog‘liq bo‘ladi.
Ma’lumki, “Roma” rahbariyati klubning avvalgi mavqeini tiklash, A Seriyada sovrinli o‘rinlar uchun kurashish va muntazam Chempionlar ligasida ishtirok etadigan qudratli jamoa shakllantirish maqsadida Joze Mourinoni bosh murabbiylikka taklif etgan.
Avvallari asosan “Chelsi”, “Real”, “Inter”, “Manchester Yunayted” kabi yulduzlar bilan to‘lib-toshgan jamoalar bilan yuqori natijalarni qayd etgan portugaliyalik mutaxassis bu gal jangovar jamoani boshidan shaxsan o‘zi shakllantirishga qaror qildi va rimliklar taklifini qabul qildi.
“Roma” rahbariyati transfer siyosatida ham Mourinoni to‘liq qo‘llab-quvvatlamoqda. Jamoadan Mourinoga to‘g‘ri kelmaydigan futbolchilar ketkazildi, Joze tanlagan yangi o‘yinchilar olindi va bu jarayon qishki va yozgi transferlar vaqtida ham davom etadi.
Roppa-rosa bir yil muqaddam Rossiya premer-ligasidan A Seriyaga ko‘chib o‘tgan Eldor Shomurodov “Jenoa” tarkibida sakkizta gol urib, kuchli beshlik chempionatlari darajasida o‘ynay olish salohiyatini namoyon etganidan so‘ng, mavsum davomida unga “Yuventus”, “Milan“, “Roma” kabi jamoalardan takliflar kela boshladi.
Hamyurtimizni Rimga taklif qilish fikri Joze Mourinodan chiqqani aniq. Chunki portugaliyalik mutaxassis uning imkoniyatlarini yaxshi biladi va “Tottenxem”ni boshqargan davrda ham Shomurodovni Angliya premer-ligasiga taklif qilgandi.
Xullas, Mourino chaqirig‘i bilan “Roma”ga o‘tgan Eldor Shomurodov UEFA Konferentsiyalar ligasi va A Seriya o‘yinlarida ham o‘zini ko‘rsatib kelmoqda. Ayni paytda o‘yinida biroz pasayish kuzatilayotgan hamyurtimiz rimliklar tarkibidagi dastlabki bellashuvlarda bitta gol va to‘rtta assist bilan “Roma” g‘alabalariga hissa qo‘shdi.
Eng muhim jihat shundaki, uncha-muncha yulduzlarni tan olmaydigan Joze Mourino Eldor Shomurodovni top darajadagi futbolchi, deb bilishini oshkor namoyon qildi va o‘zbek yigiti u qurayotgan qudratli “Roma”da muhim vazifalarini bajarishiga ishonch bildirishda davom etmoqda.
Mutaxassislarning ta’kidlashicha, shuning uchun ham “Sevilya” vakillarining yozgi transferlar vaqtida Eldor Shomurodovni olishiga birinchi navbatda Mourino qarshi chiqadi. Chunki, portugaliyalik mutaxassis bir necha yil davom etadigan katta loyihani boshlab yuborgan va Shomurodov shu g‘oyaga xizmat qilishi kerak bo‘lgan muhim o‘yinchilar qatoriga kiradi.
Ikkinchi tomondan, Eldor Shomurodovga “Sevilya” kabi kuchli klublar e’tibor qaratayotgani quvonarli hol. Chunki rivojlanish va o‘sishning chegarasi yo‘q. Zero, o‘zbekistonlik futbol ixlosmandlari Eldor Shomurodov va boshqa futbolchilarimizni nafaqat “Roma” va “Sevilya” darajadasidagi jamoalar, balki “Barselona”, “Real”, “Manchester Yunayted, “Chelsi”, “Manchester Siti”, “Liverpul”, “Bavariya” kabi eng qudratli klublarda ko‘rishni istaydi.
Qolaversa, yozgi transferlar oynasi ochilgunga qadar, Eldor Shomurodovga boshqa kuchli klublardan ham chorlov bo‘lishiga ishonchimiz komil. Buyog‘ini vaqt ko‘rsatadi...
Hurmatli muxlislar, Eldor Shomurodov “Roma”da qolgani ma’qulmi yoki “Sevilya”ga o‘tkganimi?
Fikrlaringizni izohlarda qoldiring.
“Real”ni enggan Yaxshiboev jamoasi qancha maosh oladi?
“Roma” Evropa Chempionlar ligasida... Shomurodovning orzusi ushaladimi?
Mourino tanqid qilgan Shomurodov necha ballga loyiq ko‘rildi?
Yaxshiboev gol urgan uchrashuvdan keyin “realchilar” uchga bo‘lindi!
Yaxshiboevga Rossiya grandlaridan taklif bo‘lishi kutilmoqda
O‘runov “qariyalar” ichida qolib ketdi
"Real" darvozaboni Tibo Kurtua Yaxshiboev va Tillga tan berdi: Gollarning ijrosi mukammal edi!
Fikrlar
У шохгамас бу шохга
Деганлари дек кўчиб юришдан фойда йўқ. Шу ерда Ромада камида 2-3Мавсум қолиб ўзини яҳши томонларини кўрсатиб, киен бошқа вариантларни кўргани маъқул. Рома билан ҳам ЧЛга иштирок этса бўлади. Ҳали маур унга ҳам кўпроқ имкониятлар беради. Шошилмагани маъқул.