Xorijlik futbolchilar Fayzullaevga qanday baho berdi?

Abbosbek Fayzullaev Rossiya Premer-ligasining eng zo‘r futbolchilari qatoriga kiradi. Legioner sifatida debyut mavsumini yuqori darajada o‘tkazayotgan hamyurtimizning iqtidorini futbolchilarning o‘zi ham e’tirof etmoqda.

Sports.uz portali PRemer-liga ishtirokchilarining Abbosbek Fayzullaev haqidagi fikrlarini o‘zbekistonlik muxlislar e’tiboriga havola etadi.

Kirill Glebov, TsSKA yarim himoyachisi:

Men uchun Abbosbek Fayzullaev mavsumning haqiqiy kashfiyoti. U ajoyib futbolchi. O‘zining kamtargina jismoniy ko‘rsatkichlariga qaramay, maydonda qilayotgan ishlari shunchaki “dahshat”!

Fayzullaevning to‘p uzatish mahorati juda yuqori darajada.

Uning asosiy yutug‘i kuchli texnikasi va maydonni yaxshi ko‘ra olish qobiliyatidir. Ya’ni, u to‘p bilan zo‘r ishlaydi, yaxshi qabul qiladi, aniq pas beradi, raqibni aldab o‘tadi va o‘zi ham gol ura oladi. Bugungi kunda unga qarshi o‘ynash jamoalar uchun juda og‘ir. Jussasi kichkina bo‘lganiga qaramay, tezkor, hamma jihatlarni o‘zida mujassam etgan.

Viktor Davila, TsSKA legioneri:

Abbosbek Fayzullaev mavsum kashfiyoti, degan fikrlarga to‘liq qo‘shilaman. Hammamiz uning zo‘r o‘yinchi ekanini bilamiz. Abbos buni o‘yindan o‘yinga ko‘rsatib kelyapti. Uning maydonda amalga oshirayotgan ishlaridan barchamiz bahramand bo‘lyapmiz.

O‘zbek futbolchisining kuchli  tomoni to‘p bilan zo‘r ishlashi va serharakat ekanida. Uning jamoa hujumlari muhim o‘yinchi ekanini alohida e’tirof etmaslikning iloji yo‘q. 

Bundan tashqari, Fayzullaev jamoamizdagilarni ajoyib golli paslar bilan ta’minlab kelyapti.

U hozir 20 yoshda va butun faoliyati hali oldinda. Abbos hali yanada kuchayadi. Qadam-baqadam o‘syapti, tajriba to‘playapti. Yaqin yillarda har qanday jamoaning eng muhim o‘yinchisiga aylana oladi.

Fayzullaev joriy mavsumda Rossiya Premer-ligasida 21 ta uchrashuvda to‘rtta gol va ettita assist muallifi bo‘ldi. Rossiya kubogida o‘n marotaba maydonga tushib, o‘z hisobiga bitta gol va uchta assist yozdirib qo‘ydi.

O‘tgan yili avgust oyida "Paxtakor"dan transfer qilingan futbolchimizning narxi bir necha baravar ko‘tarilib, bugungi kunda 5 million evroni tashkil qilmoqda. 

Fayzullaevning rejalari qanday?

Mashhur murabbiy o‘zbek futbolini Qozog‘istonnikidan ustun qo‘ydi

Fayzullaev: Nimalar deyapmiz, hech qachon spirtli ichimlik ichmaganman!

Bu mag‘lubiyat Fayzullaev uchun alamli bo‘ldi

Fayzullaev kutilmagan "sinov"ni qanday engib o‘tdi?

Shomurodov bo‘yicha yangi muzokara bo‘ladi!

Fayzullaev bir pog‘ona ko‘tarildi

Legionerimiz Parijda chempion bo‘lmoqchi!

O‘zbekistonda tug‘ilgan futbolchi “Evro-2024”da ishtirok etadi