Англия чемпиони Файзуллаевни қайси жамоага тасвия қилганини айтди

Таниқли футбол мутахассиси Андрей Канчельскис Европанинг энг  кучли лигаларида порлаган юлдузлардан ҳисобланади.

Канчельскис  собиқ иттифоқ парчаланганидан кейин Англияга йўл олган илк футболчилардан биридир. Буюк Британия майдонларида Англиянинг “Манчестер Юнайтед”, “Эвертон”, “Манчестер Сити”, “Саутгемптон”  ва Шотландиянинг “Рейнжерс” жамоалари шарафини ҳимоя қилган Андрей икки мартадан ушбу мамлакатлар чемпионлигига эришган.

Яқинда Андрей Канчельскис Англия премьер-лигаси тарихидаги энг зўр юз нафар ўйинчи рейтингига киритилди.

Тақдир тақозоси билан Андрей Канчельскис мураббий сифатида икки марта Наманганнинг “Навбаҳор” жамоасини бошқарди. Шу боис, у ўзбек футболи, иқтидорли ўйинчиларимиз ҳақида етарлича маълумотга эга.

Тажрибали мутахассис Россия футболини ёритаётган журналистларга Премьер-лигада ўз иқтидорини намоён қилаётган Аббосбек Файзуллаев ҳақида гапирди. Канчельскис “Пахтакор”да тарбияланаган ҳужумкор футболчининг истеъдодини анча олдин пайқаганини билдирди.

- Мен Аббосбек Файзуллаевни Москванинг “Локомотив” жамоасига тавсия қилгандим, лекин улар бунга эътибор қаратишмади. Нега бундай қилишгани ғалати. Ахир бу уларнинг селекция хизмати бажариши керак бўлган иш эди-ку. Бу клуб селекционерлари ишлабяптими, йўқми, билмайман.

Аббос ЦСКАга кўчиб ўтганидан мен хурсанд бўлдим ва у янги жамоасида яхши ўйнаяпти. Худо унга соғлиқ ва барқарорлик берсин, мана шу икки хислат маҳоратдан дарак беради.

Файзуллаев “Пахтакор”дан тўғри Европага кетиши мумкинмиди? Мен у ЦСКА жамоасига ўтиб тўғри қилди, деб ҳисоблайман. Ҳозир у ўзини кўрсата олди.

Агар Файзуллаев ҳозирги ўйинини кейинчалик ҳам кўрсатса, кучли чемпионатлардан бирига ўтиб кетиши учун кўп имкониятлар бўлади, - деди Андрей Канчельскис.

Аббосбек Файзуллаев Ўзбекистон футболида сўнгги йилларда тарбияланган энг иқтидорли футболчилар ҳисобланади. “Пахтакор” академиясидан етишиб чиққан ўйинчи бир неча позицияда ўйнай олади.

Легионеримиз ЦСКАга кўчиб ўтганидан кейин жами 13 та учрашувда майдонга тушиб, битта гол ва олтита ассист қайд этди. Айни пайтда у Премьер-лиганинг энг кучли футболчилар қаторида эътироф этилмоқда. “Армиячилар” ҳар бир учрашувдаги ҳужумлари айнан Аббосбек томонидан ташкил этилади.

20 ёшли футболчимиз яқинда интервью бериб, “Барселона”га мухлислик қилиши, орзуси “Камп Ноу”да ўйнаш эканини айтган эди. Қолаверса, Файзуллаев саккиз карра “Олтин тўп” соҳиби, жаҳон чемпиони Лионель Мессининг ашаддий мухлиси ҳисобланади.

Файзуллаевнинг кучига Европага ўтганида баҳо берамиз!

Аббос Европага кетмаслиги керак! Етти экспертнинг Файзуллаев ҳақидаги фикрлари

Давила: Файзуллаев бу кетишда Алексис Санчесдан ўтади!

Шомуродов энг охирида, Ҳусанов эса йўқ!

Ўзбек футболчиси “Олтин тўп” масаласида Мессига мурожаат қилди (фото)

Файзуллаев ўзбек футболининг кучли жиҳатини айтди

Футболчиларимизни “Бавария” скаутлари кузатди...

Файзуллаев: Бошида мени ортга қайтариб юбормоқчи бўлишган эди...

Файзуллаевни эмас, Мессини мақтанг!