Аргентинада футбол вақти стадионга портловчи восита улоқтирилди
Аргентина чемпионатида ғайритабиий жараён рўй берди. Гап шундаки, "Росарио Сентраль" - "Ньюэллс Олд Бойз" учрашув арафасида томошабинлар майдонга портловчи восита улоқтирган.
Оқибатда, майдонда чуқур ҳосил бўлган, бу эса ўйиннинг кечиктирилишига сабаб бўлган. Бу ҳақда "Ньюэллс Олд Бойз" клуби "Твиттер" саҳифасида қуйидагича ёзиб қолдирди:
"Жамоалар майдонга чиқиб келди. Улар расмга тушиш учун йиғилиб турганди.
Кейин кутилмаганда стадионга портловчи воситалар отилди. Бу жарима майдончасининг тутун билан қопланишига сабаб бўлди".
Кейинроқ давом эттирилган учрашувда меҳмонлар 1:0 ҳисобида ғалаба қозонди.
Фикрлар