“Барса”да ўйнаган футболчи: Энг зўр трансфер Файзуллаев бўлди!
Россияда футболида мавсум якунланиб, экспертлар, мураббийлар, мутахассислар чемпионатда ўзини кўрсатган футболчиларнинг ўйинини баҳолаяпти.
20 ёшли Аббосбек Файзуллаев ҳам Россиядаги дебют мавсумини юқори савияда ўтказиб, энг фаол ўйинчилардан бири бўлди.
Тажрибали мутахассислардан бири Игорь Корнеев якунланган мавсумнинг икки янги футболчиси – ЦСКА вакили ўзбекистонлик Аббосбек Файзуллаев ва “Рубин” албаниялик ҳужумчиси Мирлинд Даку трансферлари ҳақида фикр билди.
- Агар сарфланган маблағ ва ўйинчининг сифатидан келиб чиқиб, баҳоласак энг зўр трансферАббосбек Файзуллаев, ундан кейин Мирлинд Даку бўлди.
Аббосбек трансфер бозорида кўп даромад келтирадиган. Унинг трансферини жуда яхши нархга сотиб мумкин.
Файзуллаев – жуда кучли футболчи. Уни қўлга киритилган суммадан келиб чиқиб, бу трансфер нишонга аниқ теккан, яъни жекпот.
Даку – йирик ҳужумчи ва бунақа типажлар доим қидириб юришади. У серҳаракат ўйинчи, ортдан келиб, ҳимоячини алдаб ўтиб кетиши мумкин, - деди Игорь Корнеев.
Россия терма жамоасининг собиқ футболчиси Игорь Корнеев маҳаллий ва Европа футболини яхши биладиган мутахассислардан ҳисобланади. У футболчилик даврида ЦСКАдаги муваффақиятли фаолиятидан кейин Европага йўл олган Россиянинг дастлабки ўйинчиларидан бири бўлган. Моҳир ярим ҳимоячи легионер сифатида Испанияда “Эспаньол” ва “Барселона”, Нидерландияда “Херенвен”, “Фееноорд” ва “НАК Бреда” клубларида тўп тепган.
Аббосбек Файзуллаев ўтган йили августда “Пахтакор”дан ЦСКАга кўчиб ўтганди. Бу трансфер 500 минг еврога амалга оширилган. 20 ёшли футболчимиз “армиячилар” сафида дарров ўзини кўрсата олди.
ЦСКА ҳужумларини ташкил қилишда жонбозлик кўрсатган легионеримиз Россия Премьер-лигаси ва мамлакат кубогида жами 32 та учрашувда рақиблар дарвозасини 5 маротаба ишғол қилиб, жамоадошларига 14 та голли пас узатди.
Трансферларга ихтисослашган https://www.transfermarkt.world портали ўзбек футболчисини бугунги кунда 5 миллион еврога баҳоламоқда.
Албаниялик Мирлинг Даку учун “Рубин” 1,2 миллион евро сарфлади. 26 ёшли форвард мавсумда жами 33 та учрашувда ўнта гол ва тўртта ассист қайд этди. “Рубин”га келгунга қадар бу ҳужумчи Хорватия, Косово ва Словения жамоаларида тўп тепган.
Файзуллаевга хушхабар!
Ўзбеклар ўйнайдиган Олимпиадада Мбаппега ўрин йўқ!
Ўрунов Машариповдан чемпионликни тортиб олди ёхуд яна қайси футболчиларимиз Эронни забт этган?
Шомуродовни олиш осон бўлмаяпти...
Фикрлар