Ўзбеклар ўйнайдиган Олимпиадада Мбаппега ўрин йўқ!
Франциянинг энг кучли футболчиси Килиан Мбаппе Парижда бўладиган Олимпия ўйинларида иштирок этмайди.
Ёзги Олимпиаданинг футбол мусобақаси 26 июлдан 11 августга қадар давом этади.
Килиан Мбаппе тўртйилликнинг энг нуфузли спорт анжуманида иштирок этадиган Франция олимпия терма жамоаси таркибига киритилмади.
Қоидага кўра, Олимпия ўйинларида 23 ёшгача бўлган футболчилар иштирок этади. Лекин иштирокчи мамлакатлар терма жамоалар уч нафар ёши катта ўйинчиларни қўшиб олиши мумкин.
Францияликлар 25 ёшли Килиан Мбаппенинг Париж Олимпиадасида ғолиб чиқишга ёрдам беришини кутаётган эди. Терма жамоа бош мураббийи Тьерри Анри моҳир тўпурарни таркибга киритмаган.
Париж Олимпиадаси футбол мусобақасида Ўзбекистон олимпия терма жамоаси ҳам илк бор иштирок этади. Тимур Копадзе шогирдлари Осиё кубогининг вице-чемпиони сифатида қитъа шарафини ҳимоя қилади.
Ўзбекистонлик футболчилар Олимпиаданинг “С” гуруҳидан жой олган. Бу квартетда ҳамюртларимиз Испания, Миср ва Доминикан Республикаси терма жамоалари билан куч синашади.
Франция олимпия терма жамоаси мусобақа мезбони сифатида “А” гуруҳидан ўрин олган. Тьерри Анри шогирдлари гуруҳдан чиқиш АҚШ, Гвинея ва Янги Зеландия футболчилари қаршилигини енгиши талаб этилади.
Демак, “В” гуруҳидан чиқиш учун Аргентина, Марокаш, Ироқ ва Украина вакиллари ўзаро рақобатга киришади.
Осиё чемпиони – Япония Париж Олимпиадаси “D” гуруҳида Парагвай, Мали ва Исроил футболчиларини имтиҳондан ўтказади.
Олимпия ўйинлари йўлланмасини қўлга киритган жами 16 та терма жамоадан ўз гуруҳида дастлабки икки ўринни эгаллаганлари чорак финалда иштирок этади.
Олимпиаданинг янги ғолиб ва совриндорлари 8 август куни аниқланади. 2020 йилги Токио Олимпиадасида ғолиб чиққан Бразилия терма жамоаси бу галги ўйинларга йўлланма ололмаган.
Ўрунов Машариповдан чемпионликни тортиб олди ёхуд яна қайси футболчиларимиз Эронни забт этган?
Шомуродовни олиш осон бўлмаяпти...
Фикрлар