Энг фаол ҳаракат қилган Шомуродовнинг ўйини қандай баҳоланди?
Италия А Сериясининг 29-турида “Кальяри” футболчилари сафарда “Монца” меҳмони бўлиб, кичик ҳисобда мағлубиятга учради.
Эътиборли жиҳати, аввалги турда “Салернитана” дарвозасини икки маротаба ишғол қилган Элдор Шомуродов узоқ танаффусдан кейин илк маротаба бошланғич таркибда майдонга тушди. Легионеримиз бу учрашувда ҳам энг фаол ҳаракат қилган футболчилардан бири бўлиб, спорт формаси юқори даражада эканини яна бир карра намойиш қилди.
Италия футболини ёритиб келаётган calciocasteddu.it сайти “Кальяри” футболчиларининг ҳаракатларини қуйидагича баҳолади.
Симоне СКАФФЕТ 6:
“Кальяри” дарвозабони ўзи кўрсатиши учун кўп имконият бўлгани йўқ. Мальдини урган голда уни айблаб бўлмайди.
Габриэле ДЗАППА 5,5:
Фаол ўйнашга ҳаракат қилди, бир неча бор ҳужум уюштиришга уриниб кўрди.
Матеуш ВИЕТЕСКА 6:
Ўйин бошида бироз қийналди, бироқ кейинчалик ўз даражасига чиқиб олди. Бир неча маротаба жамоасини олдинга бошлади.
Альберто ДОССЕНА 6:
Рақиб футболчиси Милан Джурич билан муросасиз курашди. Аксарият вазиятларда устунлик қилди.
Томмазо АУЖЕЛЛО 5,5:
Бу футболчига барқарорлик етишмаяпти. Айрим учрашувларда ишончли ҳаракат қилмоқда. Лекин бу галги ўйин кутилганидек бўлмади. Бу унга қимматга тушиши мумкин.
Найтан НАНДЕС 5,5:
Ўзига ўхшамади. Қатъият билан ўйнаганига қарамай, ноаниқ ва самарасиз ҳаракатлари кўп бўлди.
Антуан МАКУМБУ 5:
Бу гал бўш ўйнади. Мураббий талаб қилаётган сифатни намойиш эта олмади. Танаффусда ўрнини Маттео Пратига бўшатиб берди.
Маттео ПРАТИ 5,5:
Клаудио Раньери ярим ҳимояни кучайтириш учун Пратини майдонга туширди. Ёш ўйинчи буни кутилган даражада уддалай олмади.
Алессандро ДЕЙОЛА 5,5:
Иккинчи бўлимда ҳисобни тенглаштириш имконини юбой берди. 59-дақиқада огоҳлантириш олгани унга босим ўтказди.
Якуб ЯНКТО 5:
Чап қанотдан деярли ҳужум уюштира олмади. Асосан ҳимояланишига тўғри келди. Танаффусда захирага олинди.
Гаэтано ОРИСТАНИО 6:
Янктонинг ўрнига иккинчи бўлимни тўлиқ ўтказган футболчи техник жиҳатдан етук ўйин намойиш қилди. Жамоаси ўйинини кучайтира олди.
Жанлука ЛАПАДУЛА 6:
Бутун учрашув давомида рақибга босим уюштирди, ҳимоячи Пабло Мари билан кураш олиб борди.
Элдор ШОМУРОДОВ 6,5:
“Кальяри” ўйинчилари орасида энг фаоли бўлди. Айниқса, биринчи бўлимда жуда кўп ҳаракат қилди. Ўзбекистонлик легионернинг жисмоний ҳолати ўсиб бораётгани ўйинларда яққол кўзга ташланмоқда.
Клаудио РАНЬЕРИ 6:
Кладуио Раньери жамоаси бутун учрашув давомида ўйинни ушлаб туришга интилди, мезбонларга кзп ҳужум уюштириш имконини бермади. Ижобий натижа учун озгина қатъият етишмади.
Ҳусанов бу жамоа устунига айланади
Файзуллаев “гапи”га жавоб берди
“Ланс” Ҳусановни кузатиб қўяди
Файзуллаев ЦСКАда асосий таркибдаги жойидан айрилдими?
Раньери бир гап билан Шомуродовни ўзгартириб юборди. Мураббий нима деганди?
Фикрлар