Файзуллаев чемпионлик, “Бавария” ва Европага кетиш ҳақида гапирди
Ўтган йилнинг август ойида ЦСКАга кўчиб ўтганидан кейин Аббосбек Файзуллаев қисқа фурсатда янги жамоасининг асосий ўйинчиларидан бири даражасига кўтарилди.
Креатив ўйин услуби билан ҳужумкор футболчимиз мутахассислар эътиборини ўзига жалб қилиш баробарида россиялик мухлислар ёқимтойига ҳам айланди.
Қолаверса, Аббосбек Файзуллаев оммавий ахборот воситалари вакилларининг доимий эътибори ва эътирофида.
Россия Премьер-лигасининг 23-турида легионеримиз “Факел” дарвозасини ишғол қилиб, “армиячилар”нинг 4:1 ҳисобидаги ғалабасига муносиб ҳисса қўшди. Бу ғалабадан кейин ЦСКА мусобақа жадвалида тўртинчи ўринга кўтарилиб олди.
Россиянинг “РБ Спорт” сайти Аббосбек Файзуллаев билан суҳбатлашиб, унинг мавсумга қўйган мақсадлари билан қизиқди.
Sports.uz портали ўзбекистонлик футбол ишқибозлари эътиборига ушбу интервьюни ҳавола этади.
- Сизни мухлисларнинг катта гуруҳи қўллаб-қувватлаб туради ва улар учрашувдан кейин персонал тарзда эътибор кутади. Ўзингизни мухлисларнинг ёқимтойи, деб ҳис қиласизми?
- Мухлислик қилишаётгани, қўллаб-қувватлашаётгани учун раҳмат айтаман, бу жуда ёқимли.
- Ўйинингизда бироз пасайиш кузатилганди, ҳозир ҳаммаси ўз ўрнига тушгандек...
- Бу пасайиш эмасди, мен тикланиш жараёнини бошдан ўтказдим.
- Тикланиш зарурати нима билан боғлиқ эди?
- Ўтган йили жуда кўп ўйин бўлди. Жуда ҳам кўп. Толиқиб қолдим, бу руҳий жиҳатдан ҳам оғир. Шундан кейин мураббийлар ҳордиқ чиқаришга имкон берди ва ҳозир ҳаммаси яхши.
- Сиздан мунтазам “Бавария” ҳақида сўрашади. Бу нима?
- Мен бу ҳақда ўйламасликка ҳаракат қиламан. ЦСКА билан шартномам мавжуд ва бор эътиборим шунга қаратилган.
- Бир орзу қилиб кўрсангиз, қайси чемпионатда ўйнашни истардингиз?
- Испанияда.
- Сизнингча, ЦСКА ҳали ҳам чемпионлик пойгасида иштирок этяптими?
- Менимча, ҳа. Биз биринчи ўрин учун кураша оламиз. Ўйинимиз ўхшаяпти, ўйлашимча, ҳар бир ўйинда уч очкодан олсак, чемпионлик учун курашиш мумкин.
- “Зенит”ни ютиш мумкин, деб ҳисоблайсизми?
- Ҳа.
Шомуродов ўзини кўрсатмаганда мухлислар мени “ўлдириб” қўярди!
Шомуродовнинг бир ўзи рақиб ҳимоясини титратди. Легионеримиз ўйини қандай баҳоланди?
Гол урган Яхшибоев жамоасини чемпионлик курашига қайтарди, ўзи эса...
Гол урган Файзуллаевнинг ўйини қандай баҳоланди? Аббос учрашувдан кейин нималар деди?
Файзуллаев супергол уриб, юбилей ғалабани таъминлади
Шомуродов бошқа даражадаги футболчи. Элдорга юқори баҳо беришди!
Легионеримиз “сир”ни очмадиЎзбекистон ҳали ҳеч кимга насиб қилмаган ишни уддалаши керак
Фикрлар