Maydonda o‘lim bilan olishgan "Ayaks" futbolchisi 5 yildan so‘ng komadan chiqdi

2017 yilda yurak xurujiga uchragan "Ayaks"ning sobiq futbolchisi Abdelhak Nuri komadan chiqdi.

ElDesmarque nashri 25 yoshli marokashlik futbolchining oilasiga tayanib xabar berishicha, u o‘z uyida va oila davrasida ekanligidan "xabardor". Sobiq yarim himoyachining ukasi Abdelhak kasalxonadan uyiga qaytganidan beri ancha yaxshilanganini aytdi.

Eslatib o‘tamiz, Abdelhak Nuri 2017 yilning iyul oyida "Volfsburg"ga qarshi o‘rtoqlik o‘yinida hushini yo‘qotib, miyasiga jiddiy shikast etgan edi.