Моуриньо муҳим ўйинда Шомуродовга ишонадиган бўлди!

Италия чемпионати ҳам охирига яқинлашган сари юқори ўринлар учун курашаётган жамоаларнинг ўзаро рақобати ҳам кучайиб бормоқда.

Хусусан, “Рома” 36-турга келиб, Еврокубокларга йўлланма берадиган ўринлар учун тўғридан-тўғри рақобатчиси “Фиорентина” билан тўқнашадиган бўлди.

А Серия мусобақа жадвалига эътибор қаратсак, чемпионат якунланишига икки тур қолган пайтда Европа лигасига йўлланма берадиган бешинчи ва олтинчи ўринларга тўртта жамоа – “Аталанта”, “Лацио”, “Рома” ва “Фиорентина” даъвогарлик қилмоқда.

61eda360ae5ac948bd0eaafe

Римнинг иккинчи клуби – “Лацио” 62 очко билан бешинчи поғонада мустаҳкам турибди. “Рома” агар Флоренциядан ғалаба билан қайтадиган бўлса, очколар ҳисобида ўз ҳамшаҳарларига етиб олади.

“Аталанта” Жозе Моуриньо жамоасидан битта ўйин кўп ўтказган ҳолда бир хил – 59 очкога эга. Агар “Фиорентина” футболчилари “Рома”ни таслим этишни уддалай олса, очколар ҳисобида бергамолик ва римликларга етиб олади ва Европа лигаси йўлланмаси учун кураш сўнгги тургача давом этади.

“Рома”да Конференциялар лигаси финалида ғолиб чиқиб, келаси мавсум Европа лигасига қўшилиш имкони ҳам бор. Бунинг учун Моуриньо шогирдлари 25 май куни Тиранадаги (Албания) финалда Нидерландиянинг “Фейеноорд” клубини енгиши керак. Мана шу учрашув португалиялик мураббий учун бу мавсумдаги энг муҳим баҳс ҳисобланади.

Рим футболчилари яқинда Конференциялар лигаси ярим финалида “Лестер”га қарши жуда оғир баҳс ўтказди. Италия матбуоти, хусусан, La Gazzetta dello Sport газетаси ва Сalciomercato, Fiorentinauno, Footballnews24 сайтларининг ёзишича, “Рома”нинг айрим етакчи ўйинчилари, хусусан, мавсум бошидан бери мунтазам бошланғич таркибда ўйнаётган Тэмми Абрахамда чарчоқ аломатлари сезила бошлади.

La Gazzetta dello Sport ва қатор бошқа нашрларнинг таъкидлашича, Жозе Моуриньо мавсумдаги асосий тўқнашув – Конференциялар финали олдидан айрим ўйинчиларга дам беришга қарор қилган. Яъни, Флоренцияда бўладиган чемпионат баҳсида мураббийлар штаби захирадаги ўйинчилардан фойдаланишни режалаштирмоқда.

Манбанинг таъкидлашича, Жозе Моуриньо бўлажак баҳсда Рожер Ибаньес ўрнига ҳимоя марказини Мараш Кумбуллага топширмоқчи. Қанотдаги ярим ҳимоячилар Рик Карсдорп ва Никола Залевскига ҳам дам олиши учун имкон бериали. Уларнинг ўрнини Эйнсли Мейтленд-Найлс, Стефан Эл-Шаарави ёки Матиас Вина эгаллаши кутиляпти.

Майдон марказидан Брайан Кристанте олиниб, Жордан Верету илк дақиқалардан ҳаракат қилиши режалаштирилган.

Шунингдек, ўзгаришлар ҳужум чизиғини ҳам четлаб ўтмайди. Ҳужум жуфтлиги – Тэмми Абрахам ва Николо Дзаньоло ўз ўрнини Элдор Шомуродов ва Феликс Афена-Гьянга бўшатиб бериши айтилмоқда.

6nfi43e8s

Демак, нуфузли нашрнинг тажрибали мутахассислари қўлга киритган маълумотлар ўзини оқласа, Элдор Шомуродовни майдонда кўрамиз.

“Фиорентина” ва “Рома” А Серия, Италия кубоги, мамлакат Суперкубоги ва Европа лигаси доирасида ўз тарихида ўзаро 189 маротаба тўқнаш келган. Шу баҳсларнинг 56 тасида Флоренция вакилларининг қўли баланд кўтарилганди. “Рома”да ўзаро учрашувлардаги ғалабалар сони кўпроқ, яъни 67 та. Яна 66 та баҳсда кучлар тенг келган. Тўплар нисбати 242:257. Пойтахтликлар фойдасига.

Бу йилги чемпионатнинг биринчи даврасида “Рома” илк турдаёқ “Фиорентина”ни қабул қилиб, 3:1 ҳисобида ғалаба қозонган эди. Ҳар икки жамоа А Сериянинг сўнгги учта учрашувида очко йўқтди. Римликлар “Наполи” ва “Болонья” билан дуранг ўйнади ва амалдаги чемпион “Интер”га ютқазди. “Фиорентина” эса “Салернитана”, “Удинезе” ва “Милан”нинг устунлигини тан олишга мажбур бўлди.

“Фиорентина” ва “Рома” учрашуви 9 май куни Тошкент вақти билан 23:45 да бошланади.

“Рома”га хушхабар!

“Рома”нинг пўстагини қоқамиз!

Легионеримиз: Яхшибоевнинг савияси Молдова чемпионатидан юқори!

Легионеримиз: Мураббий мен билан гаплашмай қўйди!

Легионеримиз: Луис Суарес ва Эдинсон Каванига қарши ўйнаганмиз!

“Рома” ҳам, Моуриньо ҳам ёқмади!

Икки дақиқа ўйнаган Шомуродов зўр баҳо олди!

Россияликлар Шомуродов дуэлини кутяпти!

Шомуродов, энди сенга янада қийин бўлади!

“Рома” ҳужумчиси: Кетишим керак бўлган вақт келганини билдим!

Гол уриш мана бунақа бўлади! Ўзбек легионери биринчи хет—трикни қайд этди!

Шомуродовни ҳам ўйнатиб кўрдик, бироқ... Моуриньо легионеримиз ҳақида ҳам гапирди

 

 

Фикрлар

Фикр қолдириш учун авторизациядан ўтинг!
Азат Каримов
09/05/2022 20:44
Бунга ишониш мумкин эмас
&
Абдурахмон лидер
09/05/2022 22:04
Да бу кийин масала