Раньери Шомуродовга ўйиндан олдин нима деганини айтди

А Сериянинг тўртинчи турида “Кальяри” ўз майдонида “Удинезе” жамоасини қабул қилди. Ҳар икки жамоа фақат ғалаба учун ҳаракат қилган баҳсда голсиз дуранг қайд этилди.

Ҳозирча, очколари сонини иккитага етказиб олган сардинияликлар мусобақа жадвалида хавфли ҳудуддан чиқиб кета олгани йўқ.

Учрашувдан кейин “Кальяри” бош мураббийи Клаудио Раньери ўз фикр-мулоҳазалари билан ўртоқлашди.

Қониқарсиз натижа

Натижа мени умуман қониқтиргани йўқ. Лекин жамоа кўрсатган ўйиндан мамнунман. Биз жисмонан кучли жамоага қарши ўйнадик ва шогирдларимдан қатъиятли бўлишни сўраган эдим. Бу энг тўғри йўл. Прати жуда яхши ҳаракат қилди. У ўзини биз билан узоқ вақтдан бери бирга ўйнаётгандек тутди.

Шомуродовга танбеҳ

Биз учрашувдан олдин Элдор Шомуродовга кимки “Кальяри”да ўйнаса, шердек олишиши керак, хато қилса ҳам майли, лекин майдонда борини бериши кераклигини уқтирдик. Бугун у майдонга тушиши билан ана шундай ўйнади. Мен Шомуродовнинг ўйинидан қониқдим. Шунингдек, дарвозабонимиз Борис Радунович билан ҳам гаплашгандим. Дарвозабонимиз ҳам  яхши ўйнаб, натижа қилиб берди.

Жуда иссиқ

Ўйин вақтида ҳароратнинг иссиқлиги ва намликнинг ўта юқори бўлгани бизни ҳам “Удинезе” футболчиларини ҳам ҳолдан тойдирди. Биз яхши ўйин кўрсатдик, тўғри йўлдамиз.

Бой берилган имконият

Дейоланинг ўзида 3-4 марта қулай вазият бўлди. Доссена ҳам голли вазиятни барбол қилди. Биз ҳар бир тўп учун курашишимиз керак. Биз майдонда ютқазишимиз, имкониятни бой беришимиз мумкин, лекин ҳеч қачон таслим бўлмаймиз.

Ҳимоядаги янгилик

Ҳимояда икки нафар янги ўйинчимиз яхши ҳаракат қилди. Хацидиакос  сафимизга қўшилганига бир ҳафта бўлди. Келинг, ҳаммага бироз вақт берайлик.

Хатолар бўлди

Бугун биз кичик хатоларга йўл қўйдик. Тактик ҳаракатларда янада аниқроқ ўйнашимиз керак. Агар биз иккита ёки учта гол урганимизда ҳеч ким эътироз қилмасди. Биз бу гал ҳам устунлигимиздан фойдалана олмадик.

А Серияда мағлубият кўп бўлади

Мен ўз ўйинчиларимга А Серияда қуйи лигадагидан кўп мағлуб бўлишимиз мумкинлигини тушунтирганман. Биз кетма-кет жуда кучли жамоалар билан тўқнаш келамиз. Энди бор эътиборни кейинги рақиб – “Аталанта”га қаратамиз.

Таъкидлаш жоизки, “Кальяри” А Сериядаги навбатдаги учрашувни 24 сентябрь куни ўтказади. Клаудио Раньери шогирдлари Бергамо шаҳрида “Аталанта” меҳмони бўлади.

Шомуродов ўзига келди!

Французлар Ҳусановдан ҳайратда!

Россия футболининг энг ёрқин юлдузлари энди Файзуллаевга мухлислик қиладиган бўлди

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Тезкор: Бугун “Ланс” Ҳусановни ўйнатишга мажбур. Сабаби...

Мбаппени олишни ҳеч ким таклиф қилмагани учун Шомуродов олинди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Италиялик мухлислар Шомуродовни муҳокама қилмоқда: яхши гап ҳам, танқид ҳам етарли!

Фанатлар Шомуродовдан нимани талаб қиляпти?