Стерлингнинг рўйхатига "Ливерпуль" ҳам киритилди

Англия чемпионати 32-тури доирасида "Манчестер Сити" ўз майдонида "Ливерпуль"ни йирик ҳисобда мағлуб этмоқда.

Учрашувнинг 35 дақиқасида Фил Фоденнинг узатмасидан сўнг "шаҳарликлар" форварди Рахим Стерлинг "Ливерпуль" дарвозасини ишғол қилди.

Шу тариқа англиялик футболчи АПЛ баҳсларида биринчи маротаба "қизиллар" дарвозасига йўл топди. Бунинг учун Стерлингга 8 та ўйин керак бўлди.

Бу вақтгача футболчи "Ливерпуль" дарвозасини бир маротаба, Англия Суперкубогида ишғол қилган эди.