Файзуллаевни олиб кетишади! ЦСКА мухлислари Аббос ҳақида яна нималар деяпти?

Аббосбек Файзуллаев легионерларимиз орасида мавсумни энг муваффақиятли ўтказаётган футболчи бўлиб турибди. Ёш бўлишига қарамай, ҳамюртимиз ЦСКАда асосий фигурага айланди, шунингдек, мутахассислар уни Россия Премьер-лигасининг энг ёрқин ўйинчиларидан бири сифатида эътироф этмоқда.

Россия футбол  жамоатчилиги – мураббийлар, футболчилар, мутахассис Файзуллаев ҳақида илиқ фикрларни билдирмоқда. Футбол ишқибозлари ҳам жим тургани йўқ. ЦСКа мухлислари ижтимоий тармоқларда ўзбек футболчиси ҳақидаги фикр-мулоҳазаларини билдиряпти.

Sports.uz портали ўзбекистонлик футбол ишқибозлари эътиборига россиялик мухлисларнинг Файзуллаев ҳақидаги изоҳларини ҳавола этади.

Mau:

Файзуллаевни Европага сотиб юбормасликларига умид қиламан. Аббос маош олишни эмас, футбол ўйнашни яхши кўриши шундоқ кўриниб турибди.

Аrtnat66:

Бу ўйинчининг истеъдодини вақтида пайқай олишди.

Firemonster:

Файзуллаев кетма-кет икки ойдан бери мухлислар ва мутахассислар томонидан энг яхши ўйинчи, деб топилганини инобатга олсак, ҳақиқатан шундай. Бунақа ўйинчидан анчадан бери кутаётган эдик. Яна икки-учта шунақа трансферни амалга оширсак, зўр бўларди. Аббос юлдузлик касалига йўлиқмаса, албатта, топ-ўйинчи бўлиб етишади.

Kovfun-barrios:

Мен Файзуллаев жамоага келганидаёқ бу ўйинчи ЦСКАнинг ҳар қандай тарбияланувчисидан кучли эканини айтганман.

Topdispatcher:

Аббосга гап йўқ, иқтидори катта, жамоа танлашда ҳам адашмади, жойига тушди.

Starttrade:

Энг ёмон томони – Файзуллаев жамоада узоғи уч йил қолади.

Hel:

Аббос жамоада узоқ қолмайди. Уни олиб кетишади. Қишки трансферлар даврида ҳам ЦСКАга ўзбек футболчиси учун ҳужум уюштирилади.

A.S.AA.S.A:

Файзуллаев Россия Премьер-лигаси ўйинларида катта ҳажмдаги ишни бажариши билан ажралиб турибди. У келиши билан “армиячилар”нинг моторига айланди. Ҳамюрти Остон Ўруновдан фарқли равишда бу йигит ўзини йўқотиб қўйгани йўқ. Унинг ўйини борган сари ўсиб боради. Энг муҳими, жароҳатлардан узоқ бўлсин!

CapralCapral:

Аббосбек ажойиб футболчи Михаил Анни ёдимга солиб юборди.  Худди Ан каби юксак техника ва майдонни кўра олиш қобилиятига эга. Ўзбекистонда доим истеъдодлар кўп бўлган. Аббос ҳам мустасно эмас. Унга омад тилайман. Футбол интеллекти унинг пешонасига катта ҳарфлар билан битилган.

Сергеевич:

Кейинги мавсумда Файзуллаевга қийинроқ бўлади. Рақиблар унинг ўйин услубига қарши мослашиб олади. Бироқ кейинги йилларда жамоага олиб келинган ўйинчилар орасида Аббос энг креативи ва ўйнаш иштиёқи катта бўлган футболчидир. Файзуллаев ЦСКАнинг энг яхши ўйинчиси, деган хулосаларга қўшиламан.

Эслатиб ўтамиз, Аббосбек Файзуллаев “Пахтакор”дан ЦСКА сафига август ойида кўчиб ўтганди. Легионеримиз сентябрь ва октябрь ойларида ЦСКАнинг энг яхши футболчиси, деб эълон қилинди.

Файзуллаев Европадан яхши таклифни рад этмайди!

Легионерларимиз муҳтожларга овқат тарқатди (фото)

Файзуллаевнинг кучига Европага ўтганида баҳо берамиз!

Шомуродовни Италияда мен кашф қилганман, ҳали Элдорнинг ёрдами катта бўлади!

Файзуллаев Ўрунов дуч келган муаммоларга учрамайди

Файзуллаев, қўрқмай босавер!

Легионерларимиз чемпион “Ордабаси”да қоладими?

Файзуллаев учун қийинчиликлар энди бошланади!

Шомуродов энг охирида, Ҳусанов эса йўқ!

Файзуллаев ўзбек футболининг кучли жиҳатини айтди

Файзуллаев: Бошида мени ортга қайтариб юбормоқчи бўлишган эди...

Файзуллаевни эмас, Мессини мақтанг!