Мутахассис баҳоси: Ўрунов премьер-лиганинг юқорироқ жамоаларига лойиқ ўйинчи эди...

“Уфа”нинг собиқ бош мураббийи Алексей Стукалов ўтган мавсумда ўз қўл остида ўйнаган Остон Ўруновнинг салоҳиятини юқори баҳолади.

Остон Ўрунов ёзда “Спартак” жамоасига қайтганидан кейин клуб ташаббуси билан ўртадаги шартномани бекор қилишга мажбур бўлди.

Кейинчалик легионеримиз “Урал” билан 2024 йилнинг ярмигача битим тузди, бироқ Екатеринбург жамоасида учта ўйинда жами 79 дақиқа ҳаракат қилган 21 ёшли ярим ҳимоячи бу жамоани ҳам тарк этди.

“Урал” ва Ўрунов ўзаро ҳамкорликни тўхтатишига футболчининг жамоа бош мураббийи Виктор Гончаренко билан келиша олмай қолгани ва янги жамоада ҳам етарли ўйин амалиётига эга бўлмагани сабаб қилиб кўрсатилмоқда.

Алексей Стукалов эса “Уфа”ни тарк этганидан кейин “Ротор” жамоасини бошқаришга чақиртирилди.

- Остон Ўрунов яхши футболчи. “Уфа”да уни аввалига жароҳатлар қийнаб қўйганди. Лекин қишки ўқув-машғулот йиғини ўтади, тайёргарлигида ўзига яраша ўзгаришлар қилди ва чемпионатнинг баҳорги қисмида жамоамизжа яхши ўйнади.

Ҳозир унинг бошидан нималар ўтаётганини билмайди. Шунинг учун “Урал” масаласини муҳокама қилолмайман.

- Остон “Спартак”дан кейин “Уфа”да футбол борасида ўзига келиб олганмиди?

- Дастлабки босқичда унга айрим эътироз ва саволлар бўлганди, кейинчалик буларнинг барчаси барҳам топди. Менда у билан майдондан ҳам, ундан ташқарида ҳам муаммо бўлган эмас.

- Салоҳият борасида Ўрунов Россия премьер-лигасининг ўртамиёна жамоаси ёки юқорироққа ҳам мос ўйинчи десак бўладими?

- Ўйлашимча, шундай. У яхши координация ва кучли техникага эга ўзига хос ўйинчи. Бир уринишда иккита-учта рақибни алдаб ўтиши мумкин. Агар бир ўйинда унинг спринтларини ҳисоблаб чиқсангиз, даражаси юқори экани шундоқ намоён бўлади, - деди Алексей Стукалов.

Шунингдек, Остон Ўруновнинг Россия премьер-лигасига кўчиб ўтишида бош бўлган ва ҳамюртимизни уч маротаба “Уфа”да ўйнатган Шамиль Газизов ҳам легионеримиз ҳақида ўз фикр-мулоҳазалари билан ўртоқлашди.

Ўруновнинг ўз карьераси бор ва у олға интилиши лозим. “Уфа” қайтишининг имкони йўқ. Кўп футболчилар каби у ҳам ўз фаолиятини ўзи йўлга қўймоқда. У “калласини бир жойга қўйиб”, ўзининг муаммоларини бир ўзи ҳал қилиши керак, - деди “Уфа” бош директори Шамиль Газизов “Спорт-экспресс” газетасига берган интерьюсида.

“Урал” билан шартномаси ўзаро келишувга кўра бекор қилинган Остон Ўрунов эркин агент мақомига эга. Матбуот 21 ёшли ярим ҳимоячи фаолиятини Ўзбекистон, Саудия Арабистони, Қатар ёки Жанубий  Корея жамоаларида давом эттириши мумкинлиги ҳақида ёзмоқда.

“Пахтакор” тарбияланувчиси ҳисобланган Остон Ўрунов ёш бўлишига қарамай, бир неча клублар, хусусан “Навбаҳор”, “Локомотив”, “Уфа”, “Спартак” ва “Урал”да тўп тепди.

Шунингдек, Ўзбекистон миллий терма жамоаси сафида еттита учрашувда майдонга тушиб, ўз ҳисобига бир жуфт гол ёздириб қўйди.

Ана холос. Ўруновнинг “Урал”дан кетишига жанжал сабаб бўлган!

Ўруновнинг асосий “муаммоси” айтилди!

Ўзбекистон терма жамоасига иккита гол урган футболчини “Реал” чақиряпти

Ўрунов “Реал”га борсин, Анчелотти янги футболчи қидиряпти!

Шомуродов ўрнига Роналду!

“Рома” ютқазди, Шомуродов “сеҳрли таёқча” бўлолмади, ғазабланган Моуриньо нималар деди?

Ўзбек легионеридан бошқасини зўр, деб бўлмайди!

Италиялик мухлислар Шомуродов трансферига қандай муносабатда?