Нима бўлганини Файзуллаевдан сўранглар!

Россия Премьер-лигасининг 14-турида футбол ишқибозлари Москвада “ўзбек дербиси”га гувоҳ бўлди. Учрашувда ЦСКА вакили Аббосбек Файзуллаев “Нижний Новгород” ҳимоячиси Иброҳимхалил Йўлдошевга қарши ўйнади.

Баҳсда “армиячилар” икки марта ҳисобда ортда қолганига қарамай, беллашувда ғолиб чиқди – 3:2. ЦСКАнинг ғалаба тўпларидан иккитасида Файзуллаевнинг ҳиссаси катта бўлди. Иккинчи тўп киритилган вазиятда Аббосбек Файзуллаев тепган тўп Иброҳимҳалилга тегиб, дарвоза тўридан жой олди. Аббос Виктор Давила урган учинчи голга суперпас билан ҳаммуаллифлик қилди.

ЦСКАнинг биринчи голи муҳокамаларга сабаб бўлди. Обляков узатган тўпни Фёдор Чалов дарвоза тўрига тўғрилаб қўйишга уринди. У голни нишонлаб, табрикларни қабул қилиб олган бўлса-да, гол Иван Обляков ҳисобига ёзилди.

Ўйиндан кейин Фёдор Чалов аслида гол муаллифи кимлигини Аббосбек Файзуллаевдан сўраш кераклигини таъкидлади.

— Жуда қийин ўйин бўлди, қандай жамоага қарши ўйнаётганимизни билиб тургандик. Улар биринчи бўлиб тўп киритса, ҳимояга ётиб олишини ҳам билардик. Энг муҳими – мухлисларга ёқадиган зўр ўйин бўлди. Камбэк ҳар доим қизиқ туюлади.

Биринчи гол бўлган вазиятда тўпга тегиндим. Буни Аббосбек Файзуллаевдан сўрашингиз мумкин, у мени ҳимоя қилиб, тўпга тегинганимда овоз чиққанини тасдиқлади. Облаяковнинг ўзи “Голни ўзингга олавер, сенга кўпроқ керак”, деди.

“Нижний Новгород” қойил қолдирди, ўйинчилар ҳаракатчан экан. Беллашувда омад биз томонда бўлди.

— Иккинчи бўлимга режа қандай эди?

— Ўйинни қайта ташкил қилиб, имкониятдан фойдаланиб қолдик.

— Россия Премьер-лигасида энг зўр тўпурар бўлиш мақсади борми?

— Ҳали бунга қараганим йўқ. Ҳар бир учрашувда гол уришдан хурсанд бўламан.

— Ўзингга бўлган ишонч ошдими?

— Ҳамма ҳужумчиларда шу ҳолат бўлади.

— Файзуллаевнинг ўйинига баҳо бер...

— Файзуллаевга кўз тегиб қолишини истамайман. Лекин унга балли. Меҳнат қилишда давом этсин.

Ушбу ғалабадан кейин ЦСКА мусобақа жадвалида учинчи ўринга кўтарилиб олди. Москвалик “армиячилар” Премьер-лигадаги навбатдаги турини 11 ноябрь куни сафарда “Факел” жамоасига қарши ўтказади.

Файзуллаев ўзбек футболининг кучли жиҳатини айтди

Футболчиларимизни “Бавария” скаутлари кузатди...

Файзуллаев: Бошида мени ортга қайтариб юбормоқчи бўлишган эди...

Шомуродов бошқа лигага ўтиши мумкин

Файзуллаев Португалия, Ниделандия грандлари, турклар ва араблар таклифларини қабул қилмади

Файзуллаевни эмас, Мессини мақтанг!

Файзуллаев мени қаттиқ хафа қилди