Ўсиш бор, тушиш ҳам: Легионерларимизнинг янги нархлари билан танишинг

Дунёнинг аксарият лигаларида мавсум якунланди. Трансферларга ихтисослашган Transfermarkt порталида футболчиларнинг мавсумдаги иштироки асосида уларнинг янги нархларини эълон қилди.

Халқаро миқёсда фаолият олиб бораётган порталдаги нарх ўзгаришлари турли лигаларда тўп тепаётган айрим легионерларимизга ҳам таъсир қилди.

Кучли бешлик чемпионатларидаги икки вакилимиздан бири – Абдуқодир Ҳусановнинг нархи яна кўтарилди. Ёш ҳимоячимиз ўтган ёзда “Ланс” сафига қўшилганида трансфер суммаси 400 минг евро эди. Лансликлар ўзбек легионери учун “Энергетик-БГУ” клубига 100 минг евро ўтказиб берган.

Якунланган мавсумда Франция чемпионати, УЕФА Чемпионлар лигаси ва Европа лигасида жами 15 та учрашувда қатнашган 20 ёшли легионеримизнинг трансфер суммаси бир неча баравар ошиб, янгиланган рўйхатда 2,5 миллион еврони ташкил қилмоқда.

Таъкидлаш жоизки, йил бошида Ҳусановнинг трансфери 2 миллион еврога баҳоланган ва бир неча ой ичида 500 минг еврога ўсди.

Қатарда ўтказилган Осиё кубогидан кейин Туркияга йўл олган Азизбек Турғунбоевнинг трансфер нархи 850 мингдан 1 миллион еврога етди.

“Сивасспор” вакили ярим мавсум давомида Туркия Суперлигасида 12 маротаба майдонга тушиб, ўз номига битта гол ҳам ёздириб қўйди.

Ижобий ўсишга эришган легионерларимиз қаторига Ҳожимат Эркиновни ҳам киритиш мумкин. Бирлашган Араб Амирликларининг “Ал-Ваҳда” жамоасига ўтганидан бери “Пахтакор” тарбияланувчисида ижобий кўрсаткичлар кўзга ташланмоқда.

Араб диёрига келганида 600 минг еврога баҳоланган ҳужумкор футболчимизнинг трансфер нархи 2024 йил давомида икки маротаба кўтарилиб, ҳозир бир миллион еврога етди.

Бирлашган Араб Амирликларидаги иккинчи легионеримиз Азизбек Ғаниевнинг трансфер суммаси 500 минг еврога пасайди. “Шабаб Ал-Аҳли” ярим ҳимоячиси 3 миллион еврога баҳоланган.

Нархи пасайган футболчилар қаторида Туркия Суперлигасидаги энг тажрибали легионеримиз Отабек Шукуровни ҳам қўшиш мумкин. Якунланган мавсумда ики жамоа – “Фотиҳ Карагюмрюк” ва “Кайсериспор” жамоалари шарафини ҳимоя қилган ярим ҳимоячимиз 2,2 миллион еврога баҳоланган. Унинг нархи 300 минг еврога пасайди.

Икки йил муқаддам “Шаржа”да ўйнаган даврда Отабек Шукуровнинг трансфер нархи энг юқори нуқтага етиб, 4 миллион еврони ташкил қилганди.

“Барса”да ўйнаган футболчи: Энг зўр трансфер Файзуллаев бўлди! Файзуллаевга хушхабар!

Ўзбеклар ўйнайдиган Олимпиадада Мбаппега ўрин йўқ!

Ўрунов Машариповдан чемпионликни тортиб олди ёхуд яна қайси футболчиларимиз Эронни забт этган?

Шомуродовни олиш осон бўлмаяпти...

Ҳусановнинг энг катта камчилиги ва асосий ютуғи айтилди

Файзуллаев Ўзбекистонда ўзидан зўр футболчилар борлиги айтди

9 та жамоа бош мураббийлари Файзуллаевни танлади!