“Рома” Шомуродов ўрнига олмоқчи бўлган ҳужумчи рақиб жамоани танлади

“Аталанта” ҳужумчиси Луис Муриэль муҳитни ўзгартириш мақсадида Бергамодан кетишга қарор қилган.

31 ёшли колумбиялик форвард клуб билан янги битим тузмагани учун “Аталанта” ҳам уни ёзда сотиб юборишга тайёр. Бу ўйинчига “Рома” жиддий қизиқиш билдираётган эди. Римликлар спорт директори Тьягу Пинто асосий таркибга кира олмаётган Элдор Шомуродов ўрнига Луис Муриэлни олиб келмоқчи бўлаётгани ҳақида хабарлар чиққанди.

Бироқ Луис Муриэлнинг режаси бошқача бўлиб чиқди. Унинг агентлари ўйинчи талабига кўра, “Ювентус”га мурожаат қилиб, ўз мижозларини таркибга қўшиб олишни сўраган.

Италия матбуоти Турин суперклуби бу трансферга қарши эмаслигини билдирмоқда. Улар колумбиялик ҳужумкор футболчи клубдан кетиши аниқ бўлиб улгурган Пауло Дибаланинг ўрнини боса олишига ишонмоқда.

Муриэль бу мавсум жами 38 та ўйинда майдонга тушиб, 14 та гол ва 10 та ассист қайд этди. Унинг трансфери 22 миллион еврони ташкил қиляпти.

Моуриньога “Барса” ўйинчиси керак

Хави “Барселона”ни қабул қилиб олганидан кейин айрим ўйинчиларнинг омади чопмай қолди. Ана шундай футболчилардан бири Рики Пуч. Истеъдодли марказий ярим ҳимоячи аслида Ролаьд Куман даврида ҳам асосий таркибга киришга қийналаётган эди.

Клуб раҳбарияти ўз тарбияланувчиси билан келаси мавсум охирида якунланадиган шартномани узайтирмоқчи эмас. Пучнинг ўзи ҳам кўпроқ ўйнаш мақсадида бошқа клубга ўтиши мумкинлиги айтилмоқда.

Пуч атрофида юшзага келган вазиятдан “Рома” спорт директори Тьягу Пинто фойдаланиб қолмоқчи.  Бу мутахассис бош мураббий Жозе Моуриньога Рики Пучнинг ўйини ёқишини билади ва испан ўйинчисини Римга олиб келишни кўзлаб юрибди.

Айни пайтда Рики Пуч каталонияликлардан йилига 1,2 миллион евро маош олмоқда. Бу сумма римликларни ҳам қониқтиради. Трансфернинг ўзини 10 миллион евро атрофида уддалаш мумкин.

Рики Пуч икки йилдан бери “Барселона”нинг биринчи жамоаси аъзоси. Ярим ҳимоячи бу мавсум барча турнирларда 17 та ўйин ўтказиб, Ла Лигада битта гол уришга эришди.

Дибала Чемпионлар лигаси учун керак

“Рома” А Сериянинг энг кучли ҳужумчиларидан Пауло Дибалага харидорлар бири сифатида эътироф этилмоқда.

Аргентиналик тўпурарнинг ўзи “Ювентус” билан хайрлашишга тайёр, бироқ Италия чемпионатидан четга чиқмоқчи эмас. Ҳозирча унга римликлардан ташқари мамлакатнинг амалдаги чемпиони “Интер” ҳам кўз тикмоқда.

Моуриньонинг қимматбаҳо юлдузга нега кўз тикаётгани маълум бўлди. Португалиялик мутахассис шогирдлари билан бирга келаси йили Чемпионлар лигаси учун курашмоқчи. Шу боис олдинги чизиқда Тэмми Абрахам билан бирга ўйнайдиган тажрибали ҳужумчига эҳтиёж сезмоқда.

Дибала жорий мавсумда барча турнирларда 37 маротаба майдонга тушиб, 15 та гол ва олтита ассист муаллифи бўлди.  

Пауло Аргентинадан Европага ўн йил олдин келган 2012 йили “Палермо” сафида дебют қилган ҳужумчи уч мавсумдан сўнг “Ювентус” таклифини қабул қилди.

Шомуродовнинг кетиш қарори тўғри бўлиб чиқди!

Шомуродов бу ишни илк бор уддалади!

"Олимпико"даги сўнгги голни урган Шомуродовнинг ўйини қандай баҳоланди?

Шомуродов “Венеция”ни қуйи лигага жўнатворди!

Легионеримиз ўзига Европанинг кучли лигаларига йўл очмоқда!

Шомуродов ва Перес ўрнига “Рома” иккита зўр ҳужумчи оляпти!

Моуриньо келишилган ўйинларга кўнмади

“Рома”нинг пўстагини қоқамиз!

Шомуродов, энди сенга янада қийин бўлади!