Шомуродов трансферига тақиқ қўйилди!

Ўзбекистон миллий терма жамоасининг энг ёқин футболчиси бўлиб турган Элдор Шомуродов А Сериядаги дебют мавсумини муваффақиятли ўтказганидан кейин унинг трансфер ҳақида хабарлар тарқала бошлади.

Хусусан, Италия матбуоти ўзбек легионерига “Ювентус”, “Рома”, “Милан” каби кучли клублардан қииқиш бўлгани ҳақида анчадан бери ёзиб келмоқда.  “Женоа” раҳбарияти ва футболчининг агентлари ҳам бу маълумотларни инкор этгани йўқ.

218263395_4769144269763122_2935422988651537223_n

Яқинда Элдор Шомуродовнинг ўзи “Ювентус”дан қизиқиш бўлаётгани уни хурсанд қилганини, яқин келажакда Турин клубига ўтадиган бўлса, бу ўз фаолиятида олдинга ташланган катта қадам бўлишини маъқул қилганди.

Элдор Шомуродовни олдинда муҳим мавсум кутмоқда. “Женоа” бош мураббийи Давиде Баллардини қарорига кўра, у янги мавсумда асосий ҳужумчи вазифасини бажариши кутилмоқда. Шу боис, Баллардини ёзги трансферлар вақтида Шомуродов трансферига тақиқ - вето қўйди.

Клуб айни пайтда асосий эътиборини Элдор билан ҳужумда бирга самарали ўйнай оладиган футболчи топишга қаратмоқда.

Манбаларнинг маълум қилишича, Шомуродовнинг ўзи ҳам ҳозирча Генуяда қолишни маъқул кўрмоқда ва бу шаҳарга оиласини ҳам кўчириб олиб келди.

“Женоа” раҳбарияти Элдор Шомуродовни кейинроқ трансфер қилишни режалаштирмоқда. Улар янги мавсумда легионеримизга кўпроқ ўйин амалиёти тақдим этган ҳолда янада ёрқин ўйин кўрсатиши ва кўпроқ гол уришини таъминламоқчи. Чунки, Шомуродов ҳар бир самарали ҳаракати унинг трансфер суммасини кўтаради. “Женоа” эса жаҳон футболига истеъдодли ҳужумчиларни етказиб бериш билан ном қозонган ва шу йўл орқали даромад қилади.

Элдорнинг ўзи эса, журналистларга берган интервьюсида 22 августдан старт оладиган А Серияда камида ўнта гол уришни мақсад қилганини айтган эди. Яхши биламизки, Шомуродов дебют мавсумида Италия чемпионатида 31 та учрашувда рақиблар дарвозасини саккиз марта ишғол қилди. Айниқса, чемпионат якунида гол киритиш бобида Криштиану Роналду ва Ромелу Лукаку каби юлдузлардан ҳам ўзиб кетди.

Шомуродов кучли бешлик чемпионатлари юқори лигаларида гол урган биринчи ўзбекистонлик футболчи сифатида ҳам тарихдан жой олди.

Айни пайтда ҳамюртимиз “Женоа” билан Австрияда ўқув-машғулот йиғинида қатнашмоқда. Йиғин доирасида ўтказилган иккита учрашувда ҳам у майдонни голсиз тарк этмади. “Штубай” ва “Ваккер Инсбрук” жамоалари дарвозасини ишғол қилган ҳужумчимиз голлар сериясини очди.

218150634_4769144476429768_1901203214274814625_n

“Женоа” Австриядаги йиғинни 24 июль куни якунлаб, дарҳол Францияга йўл олади. Орлеан шаҳрида Давиде Баллардини шогирдлари ПСЖ билан халқаро ўртоқлик учрашувида майдонга тушади. Шунингдек, генуяликлар 31 июль куни Германиянинг “Майнц-05” жамоаси билан ҳам ўртоқлик ўйини ўтказади.   

Италия чемпионатининг биринчи турини “Женоа” Милан шаҳрида бошлайди. 22 августга белгиланган учрашувда Шомуродов жамоаси амалдаги чемпион – “Интер” меҳмони бўлади.

Эслатиб ўтамиз, Элдор Шомуродов “Женоа”га 7,5 миллион евро эвазига ўтган эди. Унинг клуб билан шартномаси 2024 йилнинг ёзигача тузилган. Айни пайтда, айрим экспертлар ўзбекистонлик ҳужумчининг трансфери 15 миллион евро эканини таъкидламоқда. “Женоа” эса Шомуродовни каттароқ суммага трансфер қилишни режалаштирган.

Шомуродовнинг издоши бўлиши кутилган ҳужумчи келмайди. "Женоа" трансфери барбод бўлди!

“Спартак” биринчи кетадиган футболчи номини эълон қилди. У Ўрунов эмас!

Легионеримиз янги жамоага ўтди!

Тўпурар легионеримизни УЕФА мусобақасига чақиришмоқда!

Легионеримизни ўйнатмаган жамоа премьер-лигадан четлатилади!

Шомуродов рақамини ўзгартирди!

Шомуродов янги мавсумда нечта гол ура олади? Элдор саволга жавоб берди!

Шомуродов янги мавсумда нечта гол уришини айтди!

“Тоттенхэм”да Шомуродовни кутган Моуриньо энди “Рома”дан Элдорни олишни талаб қилмоқда!

Шомуродов мутахассислар фикрини ўзгартирди!

“Женоа” Шомуродовга Украинадан рақобатчи олиб келмоқда!

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
&
Ашуров Бахтийор
22/07/2021 20:14
Бош мураббийни қўйган тақиғи балки яхшиликадир.Нима бўлганда ҳам,Шомуродовни омадини берсин.Амин!
&
Турсун Ғани
23/07/2021 23:09
Элдор намоиш қилаётган ўйинлари ва голлари билан бу тақиқга сабаб бўлди. Шу йўсинда давом этса уни кучли жамоалар тақиқларни очиб олиб кетишади. Женоа таклиф этилган суммани эшитиб фойдани кўзлаб уни барибир сотиб юборади.
solijon bobokulov
22/07/2021 20:36
Daraxt bir joyda ko'karadi!