Шомуродов захирага "михланди". Моуриньо бошқа зўр тўпурарни чақирди!

Келаси мавсум “Рома” ҳужум чизиғида рақобат ўта кучли кўриниш олади. Ҳозирнинг ўзида олдинги чизиқ учун ўтган йилги тўпурар Тэмми Абрахам, “Рома”га қўшилган аргентиналик юлдуз Пауло Дибала, клубда қолишга қарор қилган Николо Дзаньоло ва Моуриньодан яна бир йиллик имконият олган Элдор Шомуродов рақобат қилиши ойдинлашиб бўлди.

Шунингдек, “Рома” сафида Стефан Эл-Шаарави, Феликс Афена-Гьян ва Карлес Перес каби ҳужумкор футболчилар ҳам ўз имкониятини кутиб турибди.

Мураббийлар штаби бу билан чекланиб қолмоқчи эмас. Жозе Моуриньо жамоага Италия терма жамоаси ҳужумчиси Андреа Белоттини олиб келишга қарор қилди. Белотти 2016 йилдан бери Италия терма жамоаси ҳужумчиси ҳисобланади. У мамлакати бош жамоаси сафида жами 44 маротаба майдонга тушиб, рақиблар дарвозасини 12 марта ишғол қилган.

28 ёшли ҳужумчи “Торино”даги узоқ йиллик фаолиятини якунлади ва айни пайтда эркин агент мақомида ўзига янги жамоа қидирмоқда.

Белоттининг ўзи Италия жамоаларидан бирида ўйнамоқчи. Шу боис, АҚШ чемпионатидан бўлган бир неча чорловларга рад жавобини берди.

“Рома”нинг қизиқиши Белотти учун айни муддао. Тажрибали тўпурар “бўрилар” Европанинг кучли клублари қаторига қўшилишга ҳаракат қилаётганини кўриб турибди. Моуриньо моҳир тўпурарни текинга қўлга киритиш имкониятидан қуруқ қолмоқчи эмас.

Демак, “Рома” яна бир катта трансферга яқин.

Белотти “Торино” клуби таркибида етти йил давомида жами 251 маротаба майдонга тушган ва рақиблар дарвозасини 113 марта ишғол қилган.

"Рома" ҳужумига машҳур футболчиларнинг олиб келиниши Элдор Шомуродовнинг асосий таркибдан жой олишига тўсқинлик қилади. Ҳозирдан Стефан Эл-Шаарави, Карлес Перес ва Феликс Афена-Гьян каби захира ўйинчисига айланиб қолган ҳужумчиларга турли жамоалардан таклифлар бўляпти ва катта эҳтимол билан ёзги трансферлар якунлангунича улар иш жойини янгилаши мумкин.

Ўз навбатида, Элдор Шомуродовга ҳам Италиянинг ўзидан бир неча жамоалардан қизиқиш бўлди, Туркиянинг "Галатасарой" клубидан аниқ таклиф юборилди. Лекин Жозе Моуриньони ҳамюртимизни "Рома"да қолдиришга қарор қилганидан кейин Шомуродовга чорловлар тўхтади.

Бундан буёғига Элдорнинг бошланғич таркиб ўйинчисига айланишига ишониш қийин. Чунки Моуриньонинг ўзи уни захира футболчиси сифатида кўраётганга ўхшайди. Мавсумолди ўртоқлик учрашувларида дастлаб легионеримизни илк дақиқалардан ўйнатган португалиялик мутахассис кейинчалик уни яна бир неча дақиқагагина ўйинга қўша  бошлади. 

"Спортинг" билан бўлган ва римликларнинг мағлубияти билан якунланган ўртоқлик баҳсида эса Моуриньо Шомуродовга умуман имкон бермади. Ўтган мавсумдаги сценарий такрорланаётгандек гўё. 

Нима бўлган тақдирда ҳам ўзбекистонлик футбол ишқибозлари Элдор Шомуродовнинг "Рома" сафида кўпроқ майдонга тушиши, голлари ва ассистлари билан ўзини кўрсатишига умид қилади. Зеро, Ўзбекистон миллий терма жамоаси сардори Европага захирадан ўйин томоша қилиш учун бормаган.

Легионеримиз премьер-лигада энг зўрлар қаторида!

Премьер-лига клуби ўзбек футболчиси ёрдамида чемпион бўлмоқчи!

Легионеримизнинг Европа Чемпионлар лигасида гол урган ўйини энг юқори баҳоланди!

Умаровнинг қадрига етмаган БАТЭ кетма-кет қоқилмоқда!

Бу трансферлар амалга ошса, Шомуродов “Рома”дан кетгани маъқул!

Моуриньо Шомуродовни нега Римда олиб қолди?

Ана холос! Легионеримизнинг трансфери барбод бўлди!

Европа клуби ўзбек футболчисига “клиент” қидиряпти!