Шомуродовнинг “Женоа”си коронавирус ўчоғига айланиб қолди
“Женоа” расмий сайтининг маълум қилишича, жамоанинг яна уч вакилида коронавирус инфекцияси аниқланди.
Жамоа вакилларидан олинган тест натижаларига кўра, ярим ҳимоячилар Петар Брлек ва Миха Зайц, шунингдек, дарвозабонлар мураббийи Вальтер Брессан коронавирус юқтириб олган. Аввалроқ, “Женоа”да 14 кишида юқумли вирус борлиги маълум бўлганди. Улардан 11 нафари футболчилардир.
Маълумотларга кўра, асосий таркиб ўйинчиларидан Франческо Кассата, Лукас Лерагер, Федерико Маркетти, Филиппо Мелегони, Лука Пеллегрини, Маттиа Перин, Марко Пьяца, Иван Радованович, Лассе Шоне, Давид Дзаппакоста шифокорлар назоратига олинган.
“Женоа”нинг учинчи турдан ўрин олган “Торино”га қарши эртанги учрашуви қолдирилди. Машғулотлар ҳозирча 5 октябргача ўтказилмайди.
“Женоа”да юзага келган бу ҳолат жамоага трансфер қилинган ўзбекистонлик ҳужумчи Элдор Шомуродовнинг режаларига ҳам таъсир ўтказмоқда. Бугун тиббий кўрикдан ўтиб, жамоа билан шартнома имзолаши кутилаётган ҳамюртимиз жамоа таркибига футболчилар тузалиб чиққандан кейин қўшила олади.
Фикрлар