ЦСКА Файзуллаевни Европага қачон қўйиб юбориши мумкинлиги айтилди

Россия Премьер-лигасига  ўтиши билан ёрқин ўйин кўрсата бошлаган Аббосбек Файзуллаев яқин келажакда  Европанинг кучли лигаларига ўтиши мумкинлиги ҳақидаги хабарлар тобора кўпайиб бормоқда.

Аслида ҳужумкор ўйинчи “Пахтакор”да ўйнаб юрган кезларидаёқ бир неча хориж клубларидан қизиқиш бўлгани аён. Айниқса, 20 ёшгача бўлган футболчилар ўртасидаги Осиё ва жаҳон чемпионатиларида Ўзбекистон ёшлар терма жамоаси ўйинчилари скаутлар кузатувида бўлгани  қувонарли.

Қатор легионерларимиз манфаатини ҳимоя қилаётган футбол агенти Қаҳҳор Мўминов яқинда берган интервьюсида Тошкентдаги ёшлар ўртасидаги Осиё чемпионатила ўзбек футболчиларини “Торино”, “Бавария”, “Вулверхэмптон”, ЦСКА, “Краснодар”, “Алания” каби клублар скаутлари бевосита стадиондан кузатиб борганини  айтганди.

Ана шу мусобақанинг энг яхши ўйинчиси сифатида эътироф этилган Аббосбек Файзуллаев ёзги трансферлар даврида ЦСКАни танлади.

Россия футболини ёритиб бораётган Sport24 нашри журналисда Ўзбекистон футбол ассоциацияси ҳузуридаги Терма жамоалар маркази директори Азиз Ҳайдаровдан 20 ёшли футболчининг Европада ўйнаш имкониятлари ҳақида сўради.

- Аббосбек Файзуллаев фаолиятининг Россиядаги боқичини жуда ёрқин бошлади. Мен Россия Премьер-лигасига йўл олган барча ўзбек футболчиларини кузатаман ва бу йигит энг тез ўсишга эришди. Файзуллаев мавқеи жиҳатидан Одил Аҳмедовга ўхшайди. Фақат Одил Россияга етук футболчи сифатида ёши каттароқ пайтда келганди. Аббос эса 20 ёшида Премьер-лигани ёндиряпти.  Ҳозир Аббос бу лигадаги энг тез ривожланаётган легионер. У ўйинни кучайтириш, рақибни алдаб ўтиш, пас бериш борасида тортиниб ўтиргани йўқ.

Аббосни болалигидан биламан. Ассоциацияда ишлай бошлаганимда болалар турнирларини ташкил қилардик. Биринчи марта Аббосни ўшанда кўрганман. Болалар жамоаларида бу жуссаси кичик футболчи маҳоратли катта футболчилардай ўйнарди. Ўшанда Файзуллаев 10-рақамда югуриб юрарди ва мен “Бу бизнинг янги Мессимиз”, деб ўйлаганман. У ўша пайтдаёқц ҳаммасини қойилмақом тарзда уддаларди.

Менга қолса, Файзуллаев келаси ёзда Европага кўтарилиб кетишини истайман. Бу йигитнинг салоҳияти жуда катта ва уни ривожлантириш керак. У Европа футболчи даражасига кўтарила олади. Бундан жуда хурсанд бўламиз. Бироқ ЦСКА уни осонликча қўйиб юбормайди.

Аббос камида яна икки-уч йил “армиячилар” сафида бўлади ва шундан кейингина уни Европанинг яхши жамоасига трансфер қилишади.

Ҳозир ЦСКАда ҳамма Аббосга ишонч билдиряпти. Файзуллаевга алоҳида ва индивидуал ёндашув қилиш керак, шунда у янада тез ваяхши ўсишга эришади. Россияда унга яна бироз вақт керак, - деди Азиз Ҳайдаров.

Аббосбек Файзуллаев жорий йилнинг август ойида “Пахтакор”дан ЦСКАга кўчиб ўтган эди. Бир неча позицияда ўйнай оладиган легионеримиз айни пайтда ЦСКА ҳужумларини бошлайдиган асосий плеймейкерга айланди.

Ҳамюртимиз ЦСКАнинг сентябрь ва октябрь ойларининг энг яхши футболчиси сифатида эътироф этилди.

Қозоғистоннинг энг зўр тўпурари Зайнутдинов нега Ўзбекистонни танламаган?

Файзуллаевни 30 миллион еврога сотинглар...

Файзуллаев бўлмаганида ҳужумчиларимиз тўп келишини кутиб ўтирарди...р деяпти?

Файзуллаев Европадан яхши таклифни рад этмайди!

Легионерларимиз муҳтожларга овқат тарқатди (фото)

Файзуллаевнинг кучига Европага ўтганида баҳо берамиз!

Шомуродовни Италияда мен кашф қилганман, ҳали Элдорнинг ёрдами катта бўлади!

Файзуллаев Ўрунов дуч келган муаммоларга учрамайди

Файзуллаев, қўрқмай босавер!

Шомуродов энг охирида, Ҳусанов эса йўқ!

Файзуллаев ўзбек футболининг кучли жиҳатини айтди

Файзуллаевни эмас, Мессини мақтанг!