“Barsa”da o‘ynagan futbolchi: Eng zo‘r transfer Fayzullaev bo‘ldi!
Rossiyada futbolida mavsum yakunlanib, ekspertlar, murabbiylar, mutaxassislar chempionatda o‘zini ko‘rsatgan futbolchilarning o‘yinini baholayapti.
20 yoshli Abbosbek Fayzullaev ham Rossiyadagi debyut mavsumini yuqori saviyada o‘tkazib, eng faol o‘yinchilardan biri bo‘ldi.
Tajribali mutaxassislardan biri Igor Korneev yakunlangan mavsumning ikki yangi futbolchisi – TsSKA vakili o‘zbekistonlik Abbosbek Fayzullaev va “Rubin” albaniyalik hujumchisi Mirlind Daku transferlari haqida fikr bildi.
- Agar sarflangan mablag‘ va o‘yinchining sifatidan kelib chiqib, baholasak eng zo‘r transferAbbosbek Fayzullaev, undan keyin Mirlind Daku bo‘ldi.
Abbosbek transfer bozorida ko‘p daromad keltiradigan. Uning transferini juda yaxshi narxga sotib mumkin.
Fayzullaev – juda kuchli futbolchi. Uni qo‘lga kiritilgan summadan kelib chiqib, bu transfer nishonga aniq tekkan, ya’ni jekpot.
Daku – yirik hujumchi va bunaqa tipajlar doim qidirib yurishadi. U serharakat o‘yinchi, ortdan kelib, himoyachini aldab o‘tib ketishi mumkin, - dedi Igor Korneev.
Rossiya terma jamoasining sobiq futbolchisi Igor Korneev mahalliy va Evropa futbolini yaxshi biladigan mutaxassislardan hisoblanadi. U futbolchilik davrida TsSKAdagi muvaffaqiyatli faoliyatidan keyin Evropaga yo‘l olgan Rossiyaning dastlabki o‘yinchilaridan biri bo‘lgan. Mohir yarim himoyachi legioner sifatida Ispaniyada “Espanol” va “Barselona”, Niderlandiyada “Xerenven”, “Feenoord” va “NAK Breda” klublarida to‘p tepgan.
Abbosbek Fayzullaev o‘tgan yili avgustda “Paxtakor”dan TsSKAga ko‘chib o‘tgandi. Bu transfer 500 ming evroga amalga oshirilgan. 20 yoshli futbolchimiz “armiyachilar” safida darrov o‘zini ko‘rsata oldi.
TsSKA hujumlarini tashkil qilishda jonbozlik ko‘rsatgan legionerimiz Rossiya Premer-ligasi va mamlakat kubogida jami 32 ta uchrashuvda raqiblar darvozasini 5 marotaba ishg‘ol qilib, jamoadoshlariga 14 ta golli pas uzatdi.
Transferlarga ixtisoslashgan https://www.transfermarkt.world portali o‘zbek futbolchisini bugungi kunda 5 million evroga baholamoqda.
Albaniyalik Mirling Daku uchun “Rubin” 1,2 million evro sarfladi. 26 yoshli forvard mavsumda jami 33 ta uchrashuvda o‘nta gol va to‘rtta assist qayd etdi. “Rubin”ga kelgunga qadar bu hujumchi Xorvatiya, Kosovo va Sloveniya jamoalarida to‘p tepgan.
Fayzullaevga xushxabar!
O‘zbeklar o‘ynaydigan Olimpiadada Mbappega o‘rin yo‘q!
O‘runov Masharipovdan chempionlikni tortib oldi yoxud yana qaysi futbolchilarimiz Eronni zabt etgan?
Shomurodovni olish oson bo‘lmayapti...
Fikrlar