Fayzullaevni olib ketishadi! TsSKA muxlislari Abbos haqida yana nimalar deyapti?

Abbosbek Fayzullaev legionerlarimiz orasida mavsumni eng muvaffaqiyatli o‘tkazayotgan futbolchi bo‘lib turibdi. Yosh bo‘lishiga qaramay, hamyurtimiz TsSKAda asosiy figuraga aylandi, shuningdek, mutaxassislar uni Rossiya Premer-ligasining eng yorqin o‘yinchilaridan biri sifatida e’tirof etmoqda.

Rossiya futbol  jamoatchiligi – murabbiylar, futbolchilar, mutaxassis Fayzullaev haqida iliq fikrlarni bildirmoqda. Futbol ishqibozlari ham jim turgani yo‘q. TsSKa muxlislari ijtimoiy tarmoqlarda o‘zbek futbolchisi haqidagi fikr-mulohazalarini bildiryapti.

Sports.uz portali o‘zbekistonlik futbol ishqibozlari e’tiboriga rossiyalik muxlislarning Fayzullaev haqidagi izohlarini havola etadi.

Mau:

Fayzullaevni Evropaga sotib yubormasliklariga umid qilaman. Abbos maosh olishni emas, futbol o‘ynashni yaxshi ko‘rishi shundoq ko‘rinib turibdi.

Artnat66:

Bu o‘yinchining iste’dodini vaqtida payqay olishdi.

Firemonster:

Fayzullaev ketma-ket ikki oydan beri muxlislar va mutaxassislar tomonidan eng yaxshi o‘yinchi, deb topilganini inobatga olsak, haqiqatan shunday. Bunaqa o‘yinchidan anchadan beri kutayotgan edik. Yana ikki-uchta shunaqa transferni amalga oshirsak, zo‘r bo‘lardi. Abbos yulduzlik kasaliga yo‘liqmasa, albatta, top-o‘yinchi bo‘lib etishadi.

Kovfun-barrios:

Men Fayzullaev jamoaga kelganidayoq bu o‘yinchi TsSKAning har qanday tarbiyalanuvchisidan kuchli ekanini aytganman.

Topdispatcher:

Abbosga gap yo‘q, iqtidori katta, jamoa tanlashda ham adashmadi, joyiga tushdi.

Starttrade:

Eng yomon tomoni – Fayzullaev jamoada uzog‘i uch yil qoladi.

Hel:

Abbos jamoada uzoq qolmaydi. Uni olib ketishadi. Qishki transferlar davrida ham TsSKAga o‘zbek futbolchisi uchun hujum uyushtiriladi.

A.S.AA.S.A:

Fayzullaev Rossiya Premer-ligasi o‘yinlarida katta hajmdagi ishni bajarishi bilan ajralib turibdi. U kelishi bilan “armiyachilar”ning motoriga aylandi. Hamyurti Oston O‘runovdan farqli ravishda bu yigit o‘zini yo‘qotib qo‘ygani yo‘q. Uning o‘yini borgan sari o‘sib boradi. Eng muhimi, jarohatlardan uzoq bo‘lsin!

CapralCapral:

Abbosbek ajoyib futbolchi Mixail Anni yodimga solib yubordi.  Xuddi An kabi yuksak texnika va maydonni ko‘ra olish qobiliyatiga ega. O‘zbekistonda doim iste’dodlar ko‘p bo‘lgan. Abbos ham mustasno emas. Unga omad tilayman. Futbol intellekti uning peshonasiga katta harflar bilan bitilgan.

Sergeevich:

Keyingi mavsumda Fayzullaevga qiyinroq bo‘ladi. Raqiblar uning o‘yin uslubiga qarshi moslashib oladi. Biroq keyingi yillarda jamoaga olib kelingan o‘yinchilar orasida Abbos eng kreativi va o‘ynash ishtiyoqi katta bo‘lgan futbolchidir. Fayzullaev TsSKAning eng yaxshi o‘yinchisi, degan xulosalarga qo‘shilaman.

Eslatib o‘tamiz, Abbosbek Fayzullaev “Paxtakor”dan TsSKA safiga avgust oyida ko‘chib o‘tgandi. Legionerimiz sentyabr va oktyabr oylarida TsSKAning eng yaxshi futbolchisi, deb e’lon qilindi.

Fayzullaev Evropadan yaxshi taklifni rad etmaydi!

Legionerlarimiz muhtojlarga ovqat tarqatdi (foto)

Fayzullaevning kuchiga Evropaga o‘tganida baho beramiz!

Shomurodovni Italiyada men kashf qilganman, hali Eldorning yordami katta bo‘ladi!

Fayzullaev O‘runov duch kelgan muammolarga uchramaydi

Fayzullaev, qo‘rqmay bosaver!

Legionerlarimiz chempion “Ordabasi”da qoladimi?

Fayzullaev uchun qiyinchiliklar endi boshlanadi!

Shomurodov eng oxirida, Husanov esa yo‘q!

Fayzullaev o‘zbek futbolining kuchli jihatini aytdi

Fayzullaev: Boshida meni ortga qaytarib yubormoqchi bo‘lishgan edi...

Fayzullaevni emas, Messini maqtang!