"Тоттенхэм" "Бавария" футболчисига қизиқиб қолди

Мюнхеннинг "Бавария" клуби ҳимоячиси Жером Боатенг фаолиятини АПЛда давом эттириши мумкин.

Todomercadoweb нашри тарқатган хабарга қараганда 30 ёшли германиялик футболчи "Тоттенхэм"нинг қизиқишлар доирасига кириб қолди. Айни дамда “шпорлар” ўзининг бельгиялик ҳимоячиси Тоби Алдервейрелдга муносиб ўринбосар қидиришмоқда ва бу борада айнан Боатенг номзодини илгари суришмоқда.

Эслатиб ўтамиз, Боатенг учун АПЛ бегона эмас. Боиси, у 2010/11 йилги мавсумда “Манчестер Сити”да тўп сурган.

Маълумот учун, Жером Боатенг жорий мавсум “Бавария” сафида жами 11та ўйинда иштирок этди.

Фикрлар

Фикр қолдириш учун авторизациядан ўтинг!