"Тоттенхэм" янги стадионига қачон кўчиб ўтиши маълум бўлди

“Тоттенхэм” клубининг янги аренага кўчиб ўтиши яна қолдирилди.

Клуб расмий сайти тарқатган хабарга кўра “шпорлар” январь ва февраль ойларини ҳам “Уэмбли”да ўтказишади. Янги стадион эса март ойида фойдаланишга топширилади. Айни дамда стадионда таъмирлаш ишларининг сўнгги босқичи якунланмоқда ва хавфсизлик тизими ускуналари ўрнатилмоқда.

Эслатиб ўтамиз, ушбу стадион ўз бағрига 62 минг ишқибозни сиғдира олади.