Ҳусановни ўйнатмаган Гвардиола балога қолди!
Абдуқодир Ҳусанов кетма-кет иккинчи маротаба “Манчестер Сити” учрашувида майдонга туширилмади. Аввалги турда “Лестер”га қарши ўтказилган баҳснинг қайдномасига киритилмаган легионеримиз “Манчестер Юнайтед” билан бўлган дербида захирада ўтирди.
21 ёшли марказий ҳимоячининг кейинги пайтда майдонга туширилмаётгани “Манчестер Сити”нинг бутун дунёга ёйилган мухлисларида бош мураббий Хосеп Гвардиола саволларни кўпайтириб юборди.
Фанатлар февраль ойининг энг зўр футболчиси бўлган Абдуқодир Ҳусановнинг бошланғич таркибда майдонга туширилмаётганини ижтимоий тармоқларда муҳокама қилиб, испаниялик бош мураббийнинг танловини маломат қилишмоқда.
Sports.uz портали ўзбекистонлик футбол ишқибозлари эътиборига “Манчестер Сити” мухлисларининг Абдуқодир Ҳусанов борасида фикр-мулоҳазаларини ҳавола этади.
Jacob Muriungi:
Ҳусанов ўйинни бошланғич таркибда бошлаши керак эди. Чунки Абдуқодир ишончли ва жуда яхши ҳимоячи.
Base Camara:
Ҳусанов Пепга нима қилди? Абдуқодир турганда Нуньешни майдонга тушириш энг камида жиноятку!
Tafadzwa Chigogo Mutungadzose:
Орқа чизиқда позицияни тўғри танлай оладиган Ҳусанов керак.
Kennedy Jeremiah Mwansa:
Доку, Нико, Рейс, Савиньо, Ҳусанов ва МакЭти бошланғич таркибда бўлиши керак. Бернарду Силва, Гюндоған, Кевин де Брюйне, Фоден, Нуньеш ва О'Рейли захирадан ўйинга қўшилса ҳам бўлаверади. Пеп ўз қарорлари билан Чемпионлар лигасига чиқишни истамаслигини кўрсатяпти, шекилли. Гвардиола танлаган таркиб билан 13-ўриндаги жамоани ҳам енголмадик.
Itz Successful:
Абдуқодир Ҳусановнинг юқори спорт формасини инобатга олиб, айнан уни ўйнатиш керак эди, Нуньеш тўп тепган учрашувда ютолмадик.
Sphetho Myeni:
Гвардиола келаси мавсум Чемпионлар лигасида ўйнашни истамайдиган кўринади. Танлаган таркиби билан “Манчестер Юнайтед”га очко берди.
Бошланғич таркибда ўйнаши шарт бўлган Абдуқодир Ҳусанов захиради ўтирибди.
Rosalanavho Mutenda:
Мана шунақа муҳим учрашувларда Ҳусановни ўйнатса нима бўлади? Бунақада тўртинчи ўрин ҳам армон бўлиб қолади.
Martin:
Ғалаба сув ва ҳаводек зарур бўлган пайтда Савиньо ва Ҳусановни захирада олиб ўтирибди. Гвардиола чарчаган кўринади...
Amën De Ketelaere NandisaRh:
Ҳусанов асосий таркибда ўйнайдиган ўйинчи.
Tsitsi Precious Chikungwa:
Ҳусанов сариқ олгани учун майдонга туширилмаяптими?
Kanema Shamboko:
Ҳусанов, Нико, Доку ва Грилиш бошланғич таркибга лойиқ ўйинчилар. Пепнинг ўзини захирага михлаш керак.
G-WIZZY:
Ҳусанов нега бошланғич таркибда кўринмай қолди?
Rex Chalumbwa:
Яна Нуньеш... Ҳусанов идеал ҳолатда-ку!
Marwan Sameh:
Пепга “офарин”, Доку ва Ҳусанов захира ўриндиғида ўтирибди...
Michael Oyewumi:
Шу Гвардиола ҳеч ўзгармайдида. Ҳусановнинг захирада ўтириб, Нуньешнинг бошланғич таркибда ўйнашига бирорта сабаб топа оламадим.
Wisdom Simonz
Ҳусанов ва Нико қани? Нега Нуньеш ва Сильва асосий таркибда?
Бизга Ҳусанов ва Нико илк дақиқадан ўйнаши муҳим!
Atul Gupta:
Бу қанақа расвогарчилик? Ҳусанов, Доку ва Савиньо захирада. Орқа чизиқ Нуньеш ва О'Рейлига топширилибди. Рақибларни табриклаш мумкин...
Austine Munkanta
Савиньо, Доку ва Ҳусановни таркибдан чиқарган Пеп катта масҳарабоз экан
Richard Woodward:
Бошланғич таркибда ҳар доим шу тўрт ўйинчи – Доку Савиньо, Нико ва Ҳусанов бўлиши шарт!
Фикрлар