"Ливерпуль" афсонаси: УЕФА "Манчестер Сити"ни ЕЧЛдан четлатмаса "Реал"га мухлислик қилишига тўғри келади
"Ливерпуль" клубининг собиқ футболчиси Жейми Каррагер УЕФА "Манчестер Сити"ни зудлик билан Чемпионлар лигасидан четлатиши кераклигини айтди.
Эслатиб ўтамиз, УЕФА “шаҳаеликлар”ни бўлажак 2 та ЕЧЛдан четлатди. Бу қарор жорий мавсум якунлангач ўз кучига киради.
“Манчестер Сити” ҳалиям Чемпионлар лигасидаги иштирокини давом эттираётганига ҳайронман. Мен буни аввал “Ливерпул”да ўйнаганим учун айтмаяпман. “Манчестер Сити” Чемпионлар лигасида ғолиб чиқса нима бўлади? УЕФА кулгига қолади. Бундай бўлмаслиги учун улар “Реал”га мухлислик қилишлари керак.
Агар “Манчестер Сити” мусобақада ғолиб бўлса, у барибир барбод бўлади. Гарча, бу клуб тарихидаги энг катта соврин бўлсада. Шунинг учун УЕФА уларни зудлик билан мусобақадан чиқариб юбориши керак”, - дейди Каррагер.
Эслатиб ўтамиз, “Манчестер Сити” ЕЧЛнинг 1/8 финалида “Реал” Мадридга қарши баҳс олиб боради. Улар ўртасидаги дастлабки ўйин 26 февраль куни Мадридда, жавоб баҳси эса 17 март куни Англияда бўлиб ўтади.
Фикрлар