ПСЖ футболчиси Англиядан таклиф олди
“Арсенал” клуби келаси мавсум олдидан ўз жамоасига “Пари Сен-Жермен” ҳимоячиси Тило Керерни олиб келишга қарор қилди.
24 ёшли футболчи анчадан бери лондонликларнинг кузатувида. Керер “Арсенал”нинг бразилиялик юлдузи Давид Луиз ўрнига олиб келинади. Германиялик универсал футболчи ҳимоя марказидан ташқари, қанотларда ҳам ишончли ўйин кўрсатди.
Керернинг ПСЖ билан амалдаги шартномаси 2024 йилнинг ёзигача давом этади. Лекин унинг трансфери “Арсенал”га муаммо туғдирмайди. Чунки битимда 26 миллион евро тўлаган клуб Керерни қўлга киритиши мумкинлиги ёзиб қўйилган.
Тило Керер жорий мавсумда Франция чемпионатида 23 та учрашувда иштирок этди.
Фикрлар