Роман Абрамович Европадан бошқа клуб сотиб олади

Буюк Британия ҳукумати санкциясига тушган Роман Абрамович “Челси”ни сотиб юборишга мажбур бўлмоқда.

Абрамович Лондон клубини 4 миллиард фунтга баҳолаган. Айни пайтда потенциал харидорлар билан музокаралар давом этяпти.

CNN Turk каналининг хабар беришича, россиялик миллиардер Туркиянинг “Гёзтепе” клубини сотиб олади. Маълумотларга қараганда, Абрамович вакиллари айни пайтда клуб хўжайини Меҳмет Сапил билан музкара олиб бормоқда. Тез орада Абрамович ва Сепил шахсан учрашади.

“Гёзтепе” Туркия чемпионатининг аутсайдер жамоаларидан ҳисобланади. Жорий мавсумда 30 та учрашувда 27 очко жамғарган клуб мусобақа жадвалининг 18-поғонасидан жой олган.