Тезкор: Ўзбек футболчиси Премьер-лига клубига ўтди!

Ўзбек футболининг энг иқтидорли ҳимоячиларидан Иброҳимхалил Йўлдошев фаолиятини Қозоғистон Премьер-лигасида давом эттирадиган бўлди.

Бир неча манбаларнинг тасдиқлашича, Россиянинг “Нижний Новгород” жамоаси 22 ёшли чап қанот ҳимоячисини “Қайрат” клубига ижарага берган.

- “Нижний Ногород”нинг 22 ёшли чап қанот ҳимоячиси Иброҳимхалил Йўлдошев “Қайрат”га ўтяпти. Нижний новгородликлар футболчини кейинчалик 500 минг еврога тўлиқ трансфер қилиш ҳуқуқи билан бир йилга Қозоғистонга ижарага юбориш бўйича келишувга эришди, - деб хабар тарқатди таниқли инсайдер Иван Карпов.

Иброҳимхалил аслида “Пахтакор” тарбияланувчиси ҳисобланади. Ўзбекистондан “шерлар”дан ташқари ижара асосида “Бунёдкор” жамоасида ҳам ўйнаган.

Йўлдошев легионер мақомини анча ёш вақтида олди. Истеъдодли ҳимоячи 2021 йилнинг августида Россия Премьер-лигасига кўчиб ўтди. Футболчимизни ўз таркибига қўшиб олиш учун “Нижний Новгород” жамоаси “пахтакор”га 250 минг евро тўлагани қайд этилган.

Иброҳимхалилнинг легионер сифатидаги фаолияти анча омадли бошланди. Премьер-лигадаги дастлабки мавсумида 19 та учрашувда қатнашиб, Москванинг “Спартак” жамоаси дарвозасини ишғол қилишга ҳам муваффақ бўлди.

Асосий таркибнинг муқим ўйинчисига айланган Юлдошев кейинги мавсумда 27 маротаба майдонга тушди. У ҳимоядаги ўз вазифасини уддалашдан ташқари, жамоа ҳужум чизиғига ёрдам бериб, “Сочи” ва “Урал” дарвозаларини ишғол қилди.

Премьер-лигада яхши ўйнай бошлаган ҳамюртимизга айрим жамоалардан қизиқиш бўлди. Хусусан, Россия матбуоти ўзбе футболчига “Спартак” эътибор қаратганини ёзганди. Лекин иш расмий таклифгача етиб бормоқда.

Жорий мавсумдан Иброҳимхалилнинг ўйинида пасайиш кузатилди. “Нижний Новгород” бош мураббийи Сергей Юран уни бошланғич таркибга киритмай қўйди. Қолаверса, Ўзбекистон миллий терма жамоаси бош мураббийи Сречко Катанец ҳам Йўлдошев ўйинини сезиларли даражада кучайтириши кераклигини таъкидлаб, бош жамоага чақирмади.

Хуллас, янги мавсумда Премьер-лига ва Россия кубогида олти марта майдонга тушган футболчимиз ўз ҳисобига битта ассист расмийлаштирди холос.

Умумий ҳисобда, Россиядаги фаолияти давомида жами 63 та баҳсда қатнашиб, учта гол ва бешта ассист муаллифи бўлган Иброҳимхалил Йўлдошев ҳаётида янги босқич бошланмоқда.

“Қайрат” янги мавсумда ўз олдига катта мақсадларни қўйган. Алматиликлар ўтган мавсумда тўртинчи поғонани эгаллаб, совринли ўринлардан қуруқ қолганди. Бу гал “Қайрат” янада юқори ўринлар учун курашиш мақсадида таркибини кучайтиряпти.

Ҳозирча, бу клуб Иброҳимхалил Йўлдошевдан ташқари Лука Гадрани, Гиорги Зария ва Элдер Сантана каби футболчиларни ўз сафига қўшиб олди.

Эслатиб ўтамиз, ўтган мавсумда Қозоғистон чемпионлиги “Ордабаси”га насиб қилди. Чимкент шаҳри жамоаси сафида ўйнаган Бобур Абдухолиқов ва Шаҳбоз Умаров жамоанинг тарихий ғалабасига катта ҳисса қўшди.

Ҳусановнинг ўйинига Европадан қандай муносабат бўлди?

Файзуллаевга устози янги вазифа юклади

Ўзбекистондан Осиё кубогида сюрприз кутишяпти!

Бу трансфер амалга ошса, Ҳусанов мунтазам асосий таркибда ўйнайди!

Икки легионеримиз учун Туркия, Россия ва Қозоғистон клублари курашяпти

“Барса”да Ямаль, бизда Файзуллаев!

Ўзбекистоннинг Осиё кубогидаги рақиби Сурия Россиядан Файзуллаевни яхши биладиган футболчини чақирди!

Ниҳоят, Файзуллаев мухлислар ва мутахассисларга мурожаат йўллади

Файзуллаев энг муҳим воқеани айтди

Файзуллаев рақиб устига қўрқмай бостириб борадиган футболчи!

Файзуллаев бўлмаганида аҳвол яна ҳам оғирлашарди!