Tezkor! “Spartak” Moskva o‘zbek futbolchisiga xaridor!

Rossiya Premer-ligasining eng nomdor klublaridan hisoblangan “Spartak” o‘zbekistonlik himoyachi Ibrohimxalil Yo‘ldoshevga jiddiy qiziqish bildirmoqda.

Bu haqda nufuzli sport manbalaridan biri www.euro-football.ru sayti xabar tarqatdi.

Manbaning ta’kidlashicha, “Spartak” ayni paytda mahoratli chap qanot himoyachisini qidirmoqda. Chunki bu pozitsiyada o‘ynab kelgan portugaliyalik Tomash Tavaresh tizzasidan jarohat olib, uzoq muddatga safdan chiqqae.

Ayni paytda moskvaliklar hali IbrohimXalil Yo‘ldoshev transferi bo‘yicha “Nijniy Novgorod” jamoasiga murojaat qilgani yo‘q. Poytaxt klubi mutasaddilar transfer imkoniyatlarini o‘rganishga kirishgan.

22 yoshli Ibrohim Yo‘ldoshev “Paxtakor” tarbiyalanuvchisi hisoblanadi. Iste’dodli futbolchi O‘zbekiston chempionatida “Bunyodkor” jamoasi sharafini ham munosib himoya qilgan.

“Paxtakor” o‘z futbolchisini 2021 yilning avgustida “Nijniy Novgorod” jamoasiga transfer qildi. Nufuzli  www.transfermarkt.world portali ma’lumotiga ko‘ra,  rossiyaliklar yosh o‘yinchi uchun 250 ming evro miqdorida badal puli to‘lagan.

O‘tgan mavsumda Ibrohimxalil Yo‘ldoshev  jamoasining asosiy o‘yinchilaridan biri sifatida tanildi.

Legionerimiz chempionat davomida 28 marotaba maydonga tushib, himoyadagi vazifalarini udllashash bilan birga hujumchilarga katta yordam berdi. U o‘z hisobiga ikkita gol va bitta assist yozdirib qo‘ydi.

Ta’kidlash joizki, Ibrohimxalil Rossiya Premer-ligasidagi birinchi golini debyut mavsumida aynan Moskvaning “Spartak” jamoasi darvozasiga kiritgan edi. 2022 yilning 19 mart kuni bo‘lgan bahsda nijniy novgorodliklar qudratli raqib bilan 1:1 hisobida durang o‘ynagan va mezbonlarning golini Ibrohimxalil kiritgandi.

Futbol mutaxassislar o‘sha uchrashuvdan keyin “Spartak” skautlari o‘zbekistonlik futbolchini kuzatuvga olganini ta’kidlagan edi.

Ibrohimxalil Yo‘ldoshevning legioner sifatida o‘yinida o‘sish kuzatilmoqda. Bu uning transfer summasiga ijobiy ta’sir ko‘rsatmoqda. Bugungi kunda www.transfermarkt.world portali ekspretlari o‘zbekistonlik futbolchini 900 ming evroga baholayapti.

Yo‘ldoshev maydonda chap qanotni to‘liq yopishi mumkin. Bundan tashqari tezkor himoyachi sifatida o‘ng qanotda ham o‘ynay oladi.

Ibrohimxalil 2020 yildan beri O‘zbekiston milliy terma jamoasi a’zosi hisoblanadi. U hozirgacha 17 ta uchrashuvda maydonga tushgan.  Hujumga qo‘shilishni yoqtiradigan himoyachimiz Malayziya darvozasini ishg‘ol qilib, milliy terma jamoamizdagi gollari hisobini ham ochgani e’tiborga molik.

Yo‘ldoshevning “Nijniy Novgorod” klubi bilan tuzgan shartnomasi 2025 yilning 30 iyunigacha davom etadi.

“Roma” bo‘lmasa, “Milan”da o‘ynayman!

Ikardi o‘rniga Shomurodov!