Полиция "Тоттенхэм" футболчисини қўлга олди

Лондоннинг "Тоттенхэм" клуби ҳужумчиси ҳимоячиси Серж Орье полиция томонидан хибсга олди.

Инглиз нашрлари тарқатган хабарга кўра 26 ёшли ивуарлик футболчи 13 январь куни "Манчестер Юнайтед"га қарши ўйиндан олдин қўлга олинган. У ўз уйида жисмоний куч ишлатиш ва зўравонликда гумонланмоқда. Аниқроғи, у ўз севгилисини калтаклаган бўлиши мумкин.

Орье бир неча соат хибсда ушлаб турилган, бироқ кейинчалик айби расман бўйнига қўйилмагач қўйиб юборилган.

Маълумот учун, Орье жорий мавсум “шпорлар” сафида 12та ўйинда майдонга тушди ва ўз ҳисобига 2та гол ва 2та голли узатма ёздириб қўйишга эришди.