"Ливерпуль" афсонаси автоҳалокатга учради

Норвегиялик машҳур ҳимоячи Йон-Арне Риисе ва унинг қизи автоҳалокат натижасида касалхонага ётқизилди. Бу ҳақда Dagbladet нашри хабар бермоқда.

Юқоридаги манбага кўра, ушбу йўл-транспорт ҳодисаси 7 апрель куни содир бўлган. Собиқ футболчи бошқарувни йўқотган ва тўсиққа бориб урилган. Ҳозирча уларнинг аҳволи қай даражада экани маълум қилинмаяпти.

39 ёшли Риисе фаолиятининг катта қисмини "Ливерпуль"да ўтказди. У мерсисайдликлар шарафини 2001 йилдан 2008 йилгача ҳимоя қилди. У шунингдек, "Олесунн", "Монако", "Рома", "Фулхэм", АПОЭЛ, "Дели Дайнамос" ва "Ченнай Титанс" клубларида ҳам ўйнаган. Норвегия терма жамоасида эса 110 та ўйинда 16 гол уришга эришган.

Фикрлар

Фикр қолдириш учун авторизациядан ўтинг!