"Ливерпуль" Стерлингни яна "Энфилд"га қайтаради?!

"Ливерпуль" клуби мавсумлар оралиғида “Манчестер Сити”да тўп сураётган собиқ ҳужумчиси Раҳим Стерлингни ортга қайтариши мумкин.

L’Equipe нашрининг хабар беришича, мерсисайдликлар “Сити”нинг 2 мавсум еврокубокларда иштирок этиш ҳуқуқидан маҳрум этилганидан фойдаланиб қолишмоқчи. Аммо, Стерлингни қўлга киритиш осон бўлмайди. Чунки, уни “Реал” ҳам таркибга жалб этишни кўзламоқда.

Таъкидлаш керакки, Стерлинг 2012-2015 йилларда “Ливерпуль” сафида ўйнаган. Шундан сўнг, “Манчестер Сити”га кўчиб ўтган. У жорий мавсум 39 та ўйинда майдонга тушди ва 20 та гол ҳамда 7 та голли узатмага муаллифлик қилди. Унинг "шаҳарликлар" билан амалдаги шартномаси 2023 йилга қадар имзоланган.