Муҳаммад Исаев: "Ал-Райян"га урган голим чиройлиси"

Осиё Чемпионлар лигасида қатнашаётган Тожикистоннинг “Истиқлол” клуби илк турда Қатарнинг “Ал-Райян” клубига қарши баҳсда 2:3 ҳисобида ютқазиб қўйди. Ушбу баҳсда “Истиқлол” сафида нуфузли мусобақада илк бор дебют қилган ҳамюртимиз Муҳаммад Исаев гол уришга ҳам муваффақ бўлди. У ўша учрашувдан сўнг, Sports.uzга яна бир бор таассуротларини билдирди.

- Ҳиссиёт жуда ажойиб. Осиё Чемпионлар лигаси ва ундаги дебют...Шунча пайт Суперлигада ўйнадим. Табиийки, Суперлиганикидан фарқи катта. Бу бекорга Осиё Чемпионлар лигаси, деб номланмас экан. Ўз номи билан Осиёнинг энг яхши клублари ўйнайди. “Ал-Райян” ҳам яхши жамоа экан.

Жамоамга фойдам тегиши учун бор кучим билан ҳаракат қилдим ва гол урдим. Лекин бу жамоамга етарли бўлмади.

“Металлург” сафида “Локомотив”га узоқдан гол ургандим. Ўша энг чиройлиси эди. Лекин бу сафаргисини нуфузли турнирда урганим учун буниси чиройли.

“Ал-Райян” таркибида кучли легионерлари бор. 8-рақамли футболчиси Бехрами, 88-рақамда ўйнаган Нзонзи...Мен ўртада ўйнаганим учун улардан кўп нарса ўргандим. Хамес Родригесни жароҳати бор экан, шунинг учун уни кўрмадим.

77-рақам ўзим ёқади. Шу сабабли “Истиқлол”да бу рақамни ўзим танладим, - деди Исаев.

"Осиё Чемпионлар лигасида ўйнайман деб ўйламагандим". Легионерга айланган футболчимиз учун воқеалар ривожи шу қадар ўзгариб кетдики...