Ғалаба учун Ўрунов етишмади!

Россия чемпионати премьер-лигасини 14-поғонада якунлаган “Уфа” юқори дивизиондаги жойини сақлаб қолиш учун ўтиш турнирида кучли жамоалар қаторига қўшилиш учун курашаётган Миллий футбол лигаси етакчиларидан “Оренбург” билан рақобатлашмоқда.

Қоидага кўра, премьер-лигада 13 ва 14-поғонани эгаллаган жамоалар Миллий футбол лигасининг учинчи ва тўртинчи клуби билан уй-сафар тизимида ўзаро рақобатлашади. Икки ўйин натижасига кўра, ғолиб чиққан жамоа келаси мавсум юқори дивизионда ўйнайди.

Алексей Стукалов бош мураббийлик қилаётган “Уфа” дастлабки учрашувни “Оренбург” майдонида ўтказди. Кескин ва муросасиз курашлар остида ўтган беллашувда уфаликлар чемпинат тўпурари Ҳамид Агаларов ва Владислав Камилонинг аниқ зарбалари эвазига икки тўп фарқи билан ҳисобда олдинга чиқиб олганди. Бироқ премьер-лига вакили ғалабани ушлаб қола олмади. Мезбонлар Ренато Гойкович ва Андрей Малих томонидан киритилган голлар эвазига ҳисобни тенглаштирди.

Учрашувдан кейин Алексей Стукалов ғалабани ушлаб қолиш учун маҳоратли футболчилар етишмаганини тан олди:

- Ўйинга қандай изоҳ беришим мумкин. Уч кун аввал ўта муҳим ва мураккаб ўйин ўтказиб, ўтиш турнирида қатнашиш ҳуқуқини қўлга киритдик, қуйи лигага тушиб кетишдан қутилиб қолдик. Ўша ўйинда уч нафар етакчи ўйинчиларимизни йўқотдик. Бугун ғалабани ушлаб қолиш учун Остон Ўрунов етишмади. Олег Иванов ва Вячеслав Кротовнинг ҳам йўқлиги билинди.

Ўйинда футболчиларнинг индивидуал маҳорати эвазига устунликка эришдик. Рақиб дарвозасига босим уюштирдик. Ҳисобда олдинга чиқиб олдик. Лекин ғалабани ушлаб қолишга захира ўриндиғининг қисқалиги тўсқинлик қилди.

“Оренбург”га қарши бўладиган жавоб ўйинида таркиб умуман бошқача бўлади.

- Агаларовнинг захирага олиниши мажбурий қарорми? Вазият қанчалар жиддий?

- Мен сизга майдонда 112 дақиқа курашганимизни айтим. Бунгача сафарга чиқиш, автобусда йўл азоби каби омиллар ҳам бор. Футболчи майда нарсанинг ўзи йўқ.

- Ҳордиқ ва тикланиш учун икки кун берилган. Шу етадими?

- Биз ва “Оренбург”да икки кундан. Бизда икки, уларда беш кун дам олиш эмас. Демак, ҳаммамиз тенг вазиятдамиз. Ҳозир футболчиларни тезроқ тикланишига ёрдам берадиган муолажаларга эътибор қаратамиз. Қолгани кейин ҳал бўлади. Ўйинчиларимизни жанговар ҳолатга олиб келиш учун бор имкониятдан фойдаланмиз.

“Уфа” ва “Оренбург” ўртасидаги жавоб ўйини 28 май куни Тошкент вақти билан 18:00 да бошланади.

Остон Ўрунов бу учрашувни нега ўтказиб юборганига қизиқаётганлар учун шуни маълум қиламизки, легионеримизнинг ҳисобидаги сариқ карточкалар сони тўртта етгани учун у “Оренбург” жамоасига қарши биринчи учрашувни ўтказиб юборишга мажбур бўлди.

Ўрунов мавсум охирига келиб, спорт формасини тўлиқ тиклаб олди ва сўнгги учрашувларни бошланғич таркибда бошлаб, жамоасининг асосий фигураларидан бирига айланди.

Агар “Уфа” премьер-лигадаги жойини сақлаб қоладиган бўлса, ушбу клуб раҳбарияти катта эҳтимол билан “Спартак”дан легионеримизнинг трансфер ҳуқуқини тўлиқ сотиб олади. Клуб ўртасидаги  келишувга кўра, “Уфа” Ўруновни  тўлиқ олиб қолиш учун бир миллион евро тўлаши керак бўлади.

Ўрунов жорий мавсумда 16 та учрашувда иштирок этди.

Моуриньо: Агар мен финални ютсам...

Моуриньо Шомуродовга қанчалар суянади?

Европани кўзлаган Умаровнинг ўйинига агентлар тўсқинлик қиляпти ва уни бошқа клубга ўтказишмоқчи!

Шомуродов “Рома”га керакли эканини исботлай олмади?

Моуриньо: МДҲ томонлардан яна бир ўйинчи олмасак бўлмайди!

“Спартак” Ўруновни суҳбатга чорлади. Мақсад аниқ!

"Олимпико"даги сўнгги голни урган Шомуродовнинг ўйини қандай баҳоланди?

Легионеримиз: Мураббий мен билан гаплашмай қўйди!

Шомуродов, энди сенга янада қийин бўлади!