Ўрунов яна ўзини хориждан синаб кўрмоқчи

Остон Ўрунов ўзбек футболининг энг иқтидорли тарбияланувчиларидан ҳисобланади. У бир неча позицияни ёпа оладиган, креатив ўйин кўрсатадиган футболчи. Бироқ унинг легионер мақомида хориж чемпионатида ўйнаш бўйича биринчи уриниши муваффақиятли чиқмади.

“Пахтакор”да тарбияланган, “Навбаҳор”да профессионал маҳоратини оширган ва “Локомотив”дан Россия Премьер-лигасига йўл олган ҳужумкор футболчимиз уч йилдан кейин яна юртимизга қайтиб келди.

2020 йилнинг бошида “Уфа”га йўл олган футболчимиз ўзининг креатив ўйини билан Россиянинг деярли барча катта клублари эътиборига тушди. Ёзда Ўрунов трансфер учун 1 миллион евро тўлаган “Спартак” жамоасига кўчиб ўтгани охир-оқибат хато бўлиб чиқди.

Кейинчалик “Урал” жамоаси Ўруновни ўз сафига қўшиб олди. Бу сўнгги имкон бўлишига қарамай, Остон ундан ҳам фойдалангани йўқ.

Бир неча машҳур ўзбек футболчилари манфаатларини ҳимоя қилаётган мутахассис Қаҳҳор Мўминов sport24.ru сайтига берган интервьюсида Остон Ўрунов трансфери ҳақида ҳам ўз фикр-мулоҳазаларини билдириб ўтди.

— Ҳозир Остон Ўруновнинг ишлари қалай?

— Ҳаммаси яхши. “Навбаҳор”да ўз маҳоратини намойиш қилмоқда, Ҳозир Ўзбекистон чемпионатида энг яхши ўйинчилардан бўлиб турибди.

Осиё Чемпионлар лигасида Неймар, Малком ва Милинкович-Савич каби футболчилардан таркиб топган “Ал-Ҳилол”га қарши муваффақиятли тўп тепди.

Ҳа, Россияда Остоннинг ишлари юришмади, жуда ёш бўлгани учун буни уддасидан чиқа олмади. Қолаверса, фаолиятини ривожлантиришда нотўғри йўлни танлади.

— “Спартак” ҳақида айтяпсизми?

— Ҳа.

— Қишки трансферлар вақтида Остонга талаб бўладими?

— Ўрунов ҳозир умуман бошқа одамга айланган. Турмуш қурди, анча улғайди, эси кирди. Жуда иқтидорли йигит ва унинг фаолияти қандай ривожланишини кузатиб борамиз.   

Ўрунов қишгача юртида бўлади. “Навбаҳор” миллий чемпионатда ғолиб чиқиш ва Осиё Чемпионлар лигасида муваффақиятли қатнашишни мақсад қилган.

Остон Ўрунов билан суҳбатлашиб шунга амин бўлдимки, Ўрунов ўз имкониятларини даражаси юқорироқ лигаларда синаб кўрмоқчи. Бу Европа клуби бўлмаса, Осиёники бўлиши ҳам мумкин.

Эслатиб ўтамиз, Остон Ўрунов “Пахтакор” тарбияланувчиси ҳисобланади. Бироқ “шерлар” асосий таркибига киритилмагач, кейинчалик “Навбаҳор” ва “Локомотив”да ўйнади.

Жорий мавсум 22 ёшли футболчимиз фаолиятидаги энг самаралиси бўлиб турибди. У Ўзбекистон чемпионати, мамлакат кубоги ва Осиё Чемпионлар лигасида жами 30 та учрашувда қатнашиб, 12 та гол ва тўртта ассист муаллифи бўлди.

Шунингдек, Ўрунов Ўзбекистон миллий терма жамоасининг асосий ўйинчиларидан бири. Ҳужумкор футболчи мамлакатимиз бош жамоасида 18 та ўйинда ўз ҳисобига тўртта гол ёздириб қўйган.

Файзуллаев нега бу жамоани танлади?

Шомуродовни Италияда мен кашф қилганман, ҳали Элдорнинг ёрдами катта бўлади!

Файзуллаев Ўрунов дуч келган муаммоларга учрамайди

Файзуллаев, қўрқмай босавер!

Легионерларимиз чемпион “Ордабаси”да қоладими?

Файзуллаев учун қийинчиликлар энди бошланади!

Шомуродов қани?

Ана холос: Файзуллаев тез орада ЦСКАдан кетиши мумкин...

Файзуллаев ЦСКА енгилмас рақибни қандай ютганини сирини айтди

"Барса"да ўйнаган футболчи Файзуллаевга баҳо берди

Шомуродовнинг ишлари яхши томонга ўзгарди

Раньери муҳим ўйин олдидан Шомуродовнинг аҳволи ҳақида маълумот берди